انا تعبانه وقرفانه حاسه انى بنهار وبموت بالبطىء
جوايا بيتقتل فيه كل يوم حاجة جديدة
وثقتى فى نفسى بتقل كل يوم عن التانى
كنت فاكرة نفسى البت الفتكه الى بتعرف تحكم على الناس مجرد من انها تكلم معاهم فوجئت ان كل يوم بكتشف ان مفيش انسان حكمت عليه وطلع حكمه عليه صح
مش عارفه غباء منى انى شايفه كل الناس كويسين
وطيبين وفيهم بس بعض الشوائب الوحشه بس مش معنى كدا انهم شياطين
دول ملايكه بس غلطانين شويه غلطات هبله
رغم ان الوحيد الى مش بحكم عليه انه مش ملاك هو انا
شايفه نفسى دايما اسوء واحده فى الدنياوغلطاتى بشعه
مقـــــــــــــــــــــايسى طلعت مختله تماما
وتخيل عايش 23 سنه على مقاييس مختله
لناس الى فكرنهم ملايكه طلعوا شياطين
والى فكراهم شياطين طلعوا ملايكه
احساس غبى فجأة حسيت انى معنديش اى خبرة فى الدنيا طلعت خيبه مش خبرة
يا الله
حاسه انى حتى مبقتش فاهمه نفسى انا شخصيا
شويه مبسوطه وشويه كئيبه
شويه مطيعه وشويه متمردة
بقيت حاسه ان شخصيتى مش ثابته
عباره عن كوليكشن شخصيات فى بعض
والغبى بئا فى كدا ان انا فى التوهان دا مش لاقيانى
مش عارفه انا كويسه والا مش كويسه
مش عارفه تصرفاتى صح والا غلط
مش عارفه اختيارتى صح والا غلط
مهزوزة اووووووووووى ومش شايفه
الحاجة الوحيدة الى اقسم بالله بلاقى نفسى فيها
انى بين نون ولوست
لما بنكون سوا بحس انى موجودة ولقيا نفسى الحقيقيه
احنا مع بعض على طول مش بنسيب بعض خالص
بس رغم اننا ممكن نكون مع بعض طول النهار
فترة بليل الى بكون فيها لوحدى فى بيتنابلاقينى تلاشيت
انا مش عارفه دا معناه ايه فعلا مش عارفه
رغم ان بحب امى جدا وهى مهما اوى فى حياتى
بس بردوا مش بلاقى نفسى الا مع العيال دول
طيب وبعدين
ما انا مسيرى حبعد عنهم واتجوزوحبعد عنهم
وبعدين انا نفسى الاقى نفسى نفسى ارسى مع شخصيه اعيش معاها
احساس غبى لما تحس ان الدنيا ضلمه قدامك ومش شايف حتى نفسك
عمال تخبط فى كل حياتك
واحساس اغبى انك تحس انك خايف من كل الناس ومش قادر تتعامل معاهم
بعد ما كنت فاتحه دراعى لكل الناس
بقيت اخاف حتى اتعامل معاهم
اكتفيت بنون وكومبليت
احساس خوف غبى مسيطر عليا
حتى نفسى الى جوايا شخص انا مش عارفاه وفقدت السيطرة عليه
وخايفه انى اتعامل معاها
طبعا انا عماله ادخلكم فى موضوع واخرجكم من موضوع
وللاسف دى طبيعه فياانا بهرجل لما اجى اتكلم عن نفسى
من كتر ما جوايا حاجات كتير واحاسيس غبيه
مش عارفه امسك خيط خيط
خيوط متشابكه فى بعض
انا بحاول اطلع الى جوايا بس حتى دا انا عاجزة عنه اوى
الكلام مخنوق جوايا مش راضى يطلع
بس الحاجة الوحيدة الى انا عارفاها كويس اوى
وعايزة اطلعها
انى مش راضيه عن البنى ادمه الى جوايا دى خالص
ولو قدرت افصلنى عنها حعمل
بس هى ماسكه فيا اوى
انا قلتلك يانون انتى وكومبليت
مفيش فايدة
مفيش فايدة
مفيش فايدة
بس خلاص
i can't be smile:( NOTHING TO LOSER
|
بصى بقى
انا اول مرة اعدى من هنا
و انا فى موود مشقلب
كل لحظة بحال
لحظة بعيط و منهارة
و لحظة بقول لا انا قوية و هكمل و مبستسلمش
خلاصة القول
ان ماتفتكريش هدخل اقولك ايوه ملعون ابو دى عيشة
بصى بقى بجد هقولك كام حاجه كده
اولا
لازم تثقى فى نفسك
من غير كده هتضيعى
اهم حاجه ايمانك بروحك
بقدراتك
بنقاط ضعفك
بقوتك
ثانيا
بصى ياحبيبتى
الانسان عمرة ما بيكون على وتيرة واحده
يعنى الانسان وقت الخناق بيبقى عصبى
ووقت الروقان بيبقى هادى
وقت السعاده بيضحك
ووقت الحزن بيولول
ده مايخلكيش ازدواجيهده خليكى طبيعيه
و بتحسى
و لوواحد ثابت على وش واحد ده اللى كده عنده خلل
خدى بالك
دى مش ازدواجية
دى معايشة للحظة
ثالثا
ليه هتسيبى اصحابك لما تتجوزى
هو انتى هتهاجرى و للا هتدخلى المعتقل
ماتسبقيش الزمن للنهايات
انا مش داخله اقولك نصايح
علشان النصايح بتخللى الواحد قرفان اكتر ماهو قرفان
بس انابقولك كلام عيشته و لسه عايشاه كمان
كلنا بنقع لحظات
و لو ما وقعناش استحاله هنتعلم او نفهم او نبقى اقوى
فى حكمة بتقول شكرا للأشواك التى علمتنى الكثير
الناس اللى طلعوا غير حقيقتهم دول
هم اللى هيخلكوى تتعلمى بجد
ازاى تفهمى و استيعابك يبقى اكبر
هتقعى فى نفس الغلطات تانى و تالت
بس محدش بيتعلم ببلاش
و فكيها كده
و صلى ع النبى
:)
البلوج حلو جدا
و الصورة بتاعت البوست دى عاجبانى اوى
انا فى اجازة م البلوجات و النت بس قلت لازم ارد عندك
حلو الكلام