زمان وانا صغير كنت بحلم ابقى كبير تعب القلب واتحير م الدنيا وم المشاوير الحلم كان برئ مفروش بالورود والقلب كان جرئ مليان بالوعود ولما كبرت قلت ياريت ما كنت حلمت ولا اتمنيت قلت ياريتني فضلت صغير زى زمان اول مرة احس معنى الاغنيه دى اوى اول مرة اسمعها بالشكل دا عندى حنين اوى انى ارجع صغيرة ارجع البنت البريئه الى شايفه الدنيا وردى قدامها وبقلبى الجرىء .................جوايا حزن يملى بحور ويغطيها وحنين يملا الكون الدنيا مش وردى والا الناس ناس ولا الدنيا دنيا الدنيا غابه مليان وحوش الكبير بياكل فيها الصغير والقوى بيقتل الضعيف....................جوايا ساحه واسعه اوى مليااااااااااااااانه ناس من كل شكل ولون وفى وسط كل الناس دى واحدة واقفه فى الاخر بعييييييييييييد وفى حته صغيرة خالص واقفه خايفه رغم انها لبس درع حديد وبتبص على الناس بعين جريئه وهى بتترجف من جواها الى بيكلمها بتشخط فيه وتتحداه وهى اضعف من ان حد يقولها بم مزيج من القوة والضعف جواها وفى وسط الوجه الى بتشوفها كل يوم وبتدور على نفسها مش بتلاقيها زمان وانا صغيرة كنت بقعد فى البلكونه الساعه 5 اسمع ام كلثوم وماسكه كتابى وقلمى وبكتب اى حاجة تخطر على بالى كنت بكون انا ونفسى وبس وبتبص علينا السما والنجوم وبيحسدونا على انسجامنا وحبنا لبعض وصحوبيتنا كانت ام كلثوم بتغنى تقول وعايزنا نرجع زى زمان قول للزمان ارجع يا زمان بفرض ان زمان رجع رغم ان دا مستحيل اصلا بس ياترى مشاعرى ايامها ممكن ترجع تانى زى الاول؟؟؟
نفسى وحشتينى اوى |
ana kman nefsy arg3 so3'yer awyyy...l2 msh so3'yer awyy :D...nefsy awyy....ayam el cartoons...elbra2a....elnefs el safya......kant ayam wlahy