اكتئاب واحبااااط & more than that
طبعا حبايبي الحلوين _ علي رأي ابلة فضيلة _اللي يعرفوني عارفين كويس ان احيانا كتيرة اوي دا بيكون الموود بتاعي علي الماسنجر _التكنولوجيا بردو يا جماعة طلع لها فايدة _عموما انا دلوقتي عايزة ابحث عن اسباب ال الاحباط والاكتئاب
&more than that
انا ياجماعة شخصية ملولة بطبعي _بزهق بسرعة يعني _وعنيفة احيانا في ردود افعالي وساعات كتير بيكون رد فعلي غير متوقع وعندية جدا وبمشي بدماغي ومش بسمع كلام حد وببقي شايفة نفسي صح جدا ومش بتنازل عن موقفي الي ان يتم اقناعي بالعكس ودا عموما بيكون صعب شوية
يعني ماشاء الله شخصية فيها عبر الدنيا كلها وصعب انها تتعاشر_ طبعا ناس كتير هاتفكر تاخدها من قاصرها ومتقراش اي حاجة انا بكتبها علي المدونة هنا _ يعني من الاخر اطفش اي حد يفكر او يوقعة حظة الاسود في يوم من الايام ويعرفني
بس برغم كدا سبحان الله يا جدع ليا اصحاب كتير واللي عرفوني كويس منهم اعتقد انهم بيحبوني جدا
طب دي تيجي ازااااااااي ؟؟
يعني شخصية معقدة نفسيا زيي وفي ناس تحبها
رأي ناس كتير عرفوني فيا اني صعب اني اتعاشر بكمية العقد والكلاكيع اللي عندي يعني مثلا علي سبيل المثال لا الحصر
انتي انسانة معقدة نفسيا ................ جوز خالتي _كان بيعزني جدا الله يرحمة
خليكي ماشية بدماغك دي لحد ما هتروحي ان شاء الله في ستين داهية بسببها..... رانيا صاحبتي وبتحب تقدم المشيئة في كل حاجة زي ماانتو شايفين
فاكرة نفسك هاتغيري الكون بدماغك اللي راكبة شمال دي (جتك ستين خيبة )....... امي حبيبتي واضح طبعا
طول ما انتي عنادية كدا مش هاتفلحي (جتك ستين خيبة بردو )...... دا بقي بابا حبيبي
لازم تغيري دماغك ال ........ عشان تعرفي تتعاملي مع الناس من غير مايفهموكي او يبصولك نظرة غلط ..... الاختين الحلوين لوست وناثنج تو لوز
طبعا زي ماانتو شايفين ماشاء الله ماشاء الله الناس كلها رأيها فيه يجنن بس انا بعتبر دي عموما حرية رأي وحرية تعبير عن الرأي
يعني مثلا ومن ضمن حرية الرأي بردو انا شايفةان الناس بتنافق بعض وبتبان ساعات كتير علي غير حقيقتها عشان ترضي ناس تانية ودا بيفكرني في اكتر قصة مأثرة في حياتي من وانا عندي 3 سنين والله العظيم والحدوتة دي انا فاكراها
الحدوتة دي بتاعت جحا وابنة والحمار
لما جحا كان ماشي هو وابنة بجانب الحمار الناس اتريقت وقالو امال الحمار فايدتة اية لما انت وهو ماشيين
لما ركب ابنة قالو شوف الواد قليل الرباية اللي راكب ومخلي ابوة الراجل الكبير ماشي
ركب الراجل ونزل الواد قالو شوفو الراجل الكبير اللي مافيش في قلبة رحمة راكب هو وممشي الواد
شالو هما الاتنين الحمار علي دماغهم اتريقو عليهم وعلي تصرفهم دا
طب والحل يا ولاد الحلال
الحل بقي ان كل واحد يكون نفسة
وانا قررت اني اكون نفسي وعشان كدا هاكتب كل حاجة علي المدونة دي يعني المدونة دي ممكن نقول عليها انها صفحات من نفسي
ودمتم
NONE
احلي حاجة ودمتم دي
كلمة معبرة ومؤثرة وفيها روح كدة
شوفي يا استاذة عقد
اولا احب اشكرك علي انك عرفتينا بنفسك مع انك بتطفشي مش بتعرفي نفسك
ربنا يوفقك يا رب وتطفشي الناس كمان وكمان
وان شاء الله دماغك تتعدل وتبقي انسانة دماغها في الوضع الصحيح
مع تحياتي
منقلة ضبظ زوايا