The Road To Nowhere
Our Stories about An Endless Trip On The Road To Nowhere!
Tuesday, August 25, 2009
مجرد هسهسة !

الصورة دي اتصورتها من كام يوم لما كنت في الفيوم
اكتشفت ان بقالي فترة فاقدة اهتمامي بالتصوير او بصوري انا تحديدا ومش عارفه ايه السبب !
يمكن عشان بقيت احس ان شكلي اتغير في الصور , اختفت مسحة البراءة اللي كنت بحبها وحل محلها شوية حدة وعدوانية
ناس كتير علقتلي مؤخرا علي الموضوع دا .. اني بقيت عدوانية وبدخل شمال علي طول في اللي قدامي
وانا عارفه ان كلامهم ممكن يكون صح , احساسي بالملل المطلق من الحياة ومن البني ادمين , سيناريوهات كلها متكررة زي ماكون عشتها قبل كدا مليون مرة لحد مازهقت ..مابقاش في حاجة ممكن تفاجئني ...لما حد بيقول حتي لو حاجة عابرة قدامي ساعات كتير ببقي عارفة هو قال كدا ليه وممكن كمان يكون مخبي ايه! .. مش دايما استنتاجي بيبقي صح اكيد او انا بحاول ما اثبتش الفكرة دي في دماغي عشان انا عارفه نفسي هسهس وبارانويا وسيئة الظن في الغالب
عشان كدا ببقي ساعات عدوانية.. حتي مع نفسي , مانا كمان سيناريو متكرر !

ناس كتير بتقول اني صعبة الارضاء وقلبي اسود بفتكر القسوة والحاجات الوحشة وبنسي دايما الحاجات الحلوة اللي اتعملت علشاني !
لو ربطت دا بالصور هلاقي نفسي فعلا باتعمد اني ما اتصورش ولو اتصورت غالبا باتصور لوحدي مهما كان الشخص اللي معايا بحبه وقريب مني,ممكن اكون مش عايزة حاجة تفكرني بحاجة حلوة عشتها مع حد عشان لما اقسي اعرف اقسي فعلا ولما ابيع اعرف ابيع فعلا واعرف اخلص من ارتباطي بحاجات صغيرة في حياتي مالهاش اي معني !
لما بشوف صوري القديمة عند ماما بحس ساعات برعشة حزن , ناس كتير اوي عدوا ومروا في حياتي اصحاب وقرايب وناس حبتهم وحبوني وعلموا علامات مابفتكرش مكانها غير لما اشوف صوري معاهم .. رعشة الحزن دي بتضايقني مش لمجرد انها حزن بس عشان باكتشف ساعتها اني ممكن اكون مانضجتش بالقدر الكافي وماتعلمتش ازاي ارمي ورا ضهري وازاي ما اربطش نفسي بحد وازاي مالتفتش ورايا تاني ..رغم اني دايما بادعي اني برمي ورا ضهري وماببصش ورايا !
دايما باقول ان الحقيقة الثابتة الوحيدة في حياتي واللي ممكن اربط نفسي بيها هي امي وبناتي ..مش عارفة اشمعني .. !! يعني ليه مش بابا مثلا رغم انه اقرب حد لعقلي ورغم اني واخده 75% من صفاته علي عكس ماما اللي ما اخدتش منها غير عصبيتها وعندها ..ورغم اني انا وماما مابنستحملش نعيش مع بعض اكتر من يومين من غير خناق علي عكس بابا اللي دايما بيبقي دبلوماسي في التعامل ودايما حواراته بتبقي امتع ومايتزهقش منها , وليه مثلا مش وائل رغم اني دايما بحسة نص التفاحة بتاعتي ورغم اني عارفة ومتأكدة اني مش هاستحمل العيشة مع اي شخص تاني غيره ومحدش في الدنيا دي كلها ممكن يستحملني بطباعي وهسهسي وتحولاتي الغريبة الا هو .. !

نرجع للصورة تاني
سالي قالت لي ان الصورة دي " إتمة" ودمها تقيل ومكشر وايمان قالت ان شكلها مش لطيف وعصام قال ان شكلي فيها عجوز ووائل شايف انها سهتانة والاربعة اجمعوا انها مش حلوة ..بس انا شايفة انها بمنتهي البساطة انا !
إتمة بقي سهتانة شكلي عجوز ولا صغير حنينة ولا انانية غدارة وممكن ابيع في لحظة ولا دايما ببقي مرتبطة بحاجات صغيرة عبيطة ومابقدرش ابعد عنها
بطلت احلل وافكر او حتي احاول اصلح عيوبي ,انا نفسي بكل عيوبي ومميزاتي وقابلة نفسي ومتصالحة تماما معاها وعمري ما هحاول ابدا اني اجي علي نفسي عشان ارضي حد .. انانية انعزالية ..واية يعني ! ما الناس كلها بيجي عليها وقت تبقي فيه كدا ..وهايبقي مالوش اي معني اني احاول ارضي الناس وابان دايما مثالية قدامهم .. عشان الطبيعي بتاعهم انهم مابيشفوش حد مثالي غير نفسهم ومابيلتمسوش لحد عذر في الغالب غير لنفسهم بردو !!

واللي بيحبوني هايقبلوني زي مانا ودايما هيلاقواالف عذر ليا حتي لو انا اشر الناس , واللي مابيحبونيش هاينقدوني الف نقد حتي لو كنت ملاك ماشي علي الأرض ..!
يبقي المهم اني احب نفسي زي ما اناواحب الناس زي ماهما واقبل عيوبي وعيوبهم زي ماهي طالما عارفة اني اتعامل معاها
مش كدا بردو ؟
posted by sara @ 5:57 PM   7 إيه رأيك
Thursday, June 11, 2009
هع !!


نعم انا جوزاء وافتخر 

ولو لم اكن جوزاءً لوددت ان اكون جوزاء 

وياجوزاء يا حبي ويا حتة من قلبي  

posted by sara @ 5:12 PM   4 إيه رأيك
Tuesday, March 17, 2009
مابعد الاحتراق


مابقتش اخاف م الذكريات 

دا الجاي بينسي اللي فات 

بعدوا الحبايب ..قربوا

مابقاش في شئ استغربوا

وبعيش في قلبي 

حزن فرح جرح 

عادي 

بقي كل شئ عادي 

الالم عادي 

والندم عادي 

والعذاب عادي 

اي حاجة وكل حاجة مش غريبة

عادي :)

عادي ..الاغنية الاكثر ملائمة لحالتي المزاجية المضطربة _اعترف _ والتي اعدت اكتشافها حين صباح اكثر برودة علي اذاعة الأغاني

عادي .. الكلمة الاكثر حيادية وبرودة بين مفردات اللغة ..والاكثر استخداما بين مفرداتي الخاصة مؤخرا

عادي .. اصالة _التي لا تكف عن ابهاري بين حين واخر _ وصلاح الشرنوبي وبهاء الدين محمد

عادي ..اسمعها هنا  

posted by sara @ 2:53 PM   7 إيه رأيك
Thursday, March 12, 2009
defeat your fear


ومازالت تبحث عن المينوتور في متاهات الهسهس السحرية
posted by sara @ 10:50 PM   2 إيه رأيك
Sunday, March 1, 2009
بمناسبة شوية حاجات .. وبرغم شوية حاجات



امنتك عليا عشان لقيتني مصدقاك
وعدتك في وقت الجد جمبك هتلاقيني
اسهر علي راحتك وراضيه اتعب معاك
وان ماتشيلكش الارض انا اشيلك في عيني

كل سنه واحنا طيبين :)

posted by sara @ 12:49 PM   7 إيه رأيك
Friday, February 13, 2009
ليل يفيض من الجسد

ياسمين علي ليل تموز ،
اغنية لغريبين يلتقيان علي شارع
لا يؤدي الي هدف
من انا بعد عينين لوزيتين .. ؟ يقول الغريب
من انا بعد منفاك في .. ؟ تقول الغريبه
اذن، حسناً، لنكن حذرين لئلا
نحرك ملح البحار القديمة في جسد يتذكر ...
كانت تعيد له جسدا ساخنا،
و يعيد لها جسدا ساخنا.
هكذا يترك العاشقان الغريبان حبهما
فوضويا ،
كما يتركان ثيابهما الداخلية
بين زهور الملاءات ....
- ان كنت حقا حبيبي ، فألف نشيد اناشيد لي ،
واحفر اسمي
علي جذع رمانة في حديقة بابل ...
-وان كنت حقا تحبينني ،فضعي حلمي في يدي .
وقولي له ، لابن مريم ،
كيف فعلت بنا ما فعلت بنفسك ،
ياسيدي ، هل لدينا من العدل
ما سوف يكفي
ليجعلنا عادلين غدا؟
- كيف اشفي من الياسمين غدا ؟
- كيف اشفي من الياسمين غدا ؟
يعتمان معا في ظلال تشع علي سقف غرفته
لاتكن معتما
بعد نهديَّ-قالت له
قال :نهداك ليل يضئ الضروري
نهداك ليل يقبلني ، وامتلأنا
أنا
والمكان بليل يفيض من الكأس ....
تضحك من وصفه . ثم تضحك اكثر
حين تخبئ منحدر الليل في يدها..
-ياحبيبي ، لو كان لي أن اكون صبيا ... لكنتك انت
-ولو كان لي أن اكون فتاة لكنتك انت !
وتبكي كعادتها ، عند عودتها
من سماء نبيذية اللون: خذني
الي بلد ليس لي طائر أزرق
فوق صفصافه يا غريب !
وتبكي ، لتقطع غاباتها في الرحيل الطويل الي ذاتها : من انا ؟
من انا بعد منفاك في جسدي؟
اه مني ، ومنك ،ومن بلدي
-من انا بعد عينين لوزيتين؟
أريني غدي ...

هكذا يترك العاشقان وداعهما فوضويا ،
كرائحة الياسمين علي ليل تموز..

في كل تموز يحملني الياسمين الي شارع ،
لايؤدي الي هدف
،
بيد أني اتابع أغنيتي :
ياسمين
علي
ليل
تموز

محمود درويش
posted by sara @ 10:41 PM   3 إيه رأيك
Monday, November 10, 2008
هو في حاجه؟؟!!
video
posted by sara @ 12:50 PM   4 إيه رأيك
تايهين على الطريق


مالي النهارده
إمبارح اللي عدّى
ناس من هناك
اديني ودنك

Powered by

Free Blogger Templates

BLOGGER

عدّى من هنا
free web counter