بس كفااااااااااااااااااية
حرام
مش قادرة اكمل

 

لا حول ولا قوة الا بالله

ربنا يصلح الحال يا رب

لا نملك غير الدعاء و أن نصلح أنفسنا

شكرا لك

تحياتي من ماناساس البلد

 

Ana mb2tsh 3ayz ashof 7aga m deh wlahy...:(

 

فعلا احنا قرفنا وشبعنا من المناظر دي

بس حلوين الكلمتين اللي اخر الفيديو بالانجليزي دول

بس يا ترى دول علشان الوقاية من حمى امن الدولة ولا شةيى نفاق بلوجري في الفضاء السيبري

على فكرة انا لما باشوف مناظر اهانة المجرمين والمتهمين وضربهم وتعذيبهم دي باعرف لية في ارهاب منظم واغتيالات لضباط الشرطة

يعني انتي لو حتة امين ولا صول بصمجي متخلف جعر لزقك قفا مش حاتبقى حانقة عالشرطة كلها و كارهه عيشتك وحاتدوسي اول واحد يقابلك في الشارع بعربيتك وتفرمية كنوع من الانتقام

الحسنة تخص والسيئة تعم

واللي بيعملوة الاقلية منهم (بافتراض الاقلية) بيولد شعور عام عند الشعب ضد الكل وبيتعمم

بس مين يفهم ويتعظ من حوادث الارهاب وبالاخص من الصعيد, لان دة ثار بين كل من اتلزق على قفاة او اتشتم او اتهان واتضرب وبين جهاز الشرطة كلة

تحياتي

 

والله يا طهقانه انا كملت وانا ببكى
دخلولك فرحنى اوى
***********************************
the groom
__________
ان الله لا يغير ما بقوم حتى يغيروا ما با انفسهم
صدقت اخى ..نحن لا نملك الا الدعاء
سعدت بوجودك معنا
***********************************
ert3ashat
_________
مش المشكله احنا عايزين او مش عايزين المشكله انه واقع انحنا عايشينه وغصب عننا بيفرض علينا اننا نشوف هما متبعين سياسه اضرب المربوط يخاف الثابت
ردك اسعدنى
***********************************
الحصان الاسود
__________
والله احنا كلنا قرفنا وتعبنا وانا اعتقد بردوا ان الكلمتين دول كانوا حميايه
انت بئا بتسألنى انى اضربه بعربيتى انا اصلا حفجرة مش حموته بس
ومش غريب ان يطلع مننا ارهابين لان الى بتربى على الارهاب لازم يطلع ارهابى
مبسوطه لاشتراكك معنا :)

 

لم ارى ابدا ان اجتمع الكل على كره شخص او نظام مثل كرههم لمبارك

سالت كل من اعرفهم
وكل فئات تعاملت معها

اصدقائى وزملائى وسائقى التاكسيات والعاملين فى الكافتيريات والحلاق وعاملى السوبر ماركت وظباط الجيش والشرطه والعساكر واقاربى فى الارياف والعاملين فى الفلاحه وعمال المصانع التى اتعامل معهم
كلهم يكرهونه

نظرت الى المهندسين فى النقابه
والمحامين والمدرسين والقضاة ونقابات العمال
كلهم يكرهونه

نظرت الى نتائج حكمه
التعليم فاسد
المصريون يتسولون العلاج فى الفضائيات
البطاله رهيبه
الاميه نص الشعب
الفقر وصل لحد المجاعه
القضايا فى المحاكم بالملايين
اللصوص فى كل مكان وصاروا نجوم المجتمع وحكامه

وهو لا زال يحكم
ويخطط لتوريث ابنه
سبحان الله

ارى العساكر وهم يضربون المتظاهرين واتعجب
اوليس هم من هذا الشعب؟
اوليس يعانون الفقر والظلم مثل الباقيين
لماذا يضربون
ولماذا بكل هذا الغل

والظباط الذين بامرونهم
هل هم من قبائل التوتسى ونحن من قبائل الهوتو؟

لماذا لا يرفضون؟
لماذا لا يقولون لأ

 

السلام عليكم
كيف حالك اختي الفاضلة
بداية اشكرك لتواجدك الكريم وزيارتك الجميلة

اما بخصوص مدونتك فقد اعجبتني
كثيرا....واكثر ما اعجبني هو تعريفك بنفسك ورأي الناس فيكي ....اتقال فيا كل اللي اتقال فيكي واكتر
...الناس كلها اجتمعت دلوقتي عليا ان انا مجنون...مش معقد نفسيا...لا انا عديت مرحلة العقد النفسية من زمان ووصلت لدرجة الجنون
مش مشكلة....يقولوا اللي هما عاوزينه....انا استريحت مع الذئاب...عارف انتي كمان قلتي عليا مجنون

اما بقي بخصوص البوست دا ففي كلام كتير
اولا تجميع السلبيات التركيز عليها دا في حد ذاته شئ سلبي
الشرطة في مصر مش كلها الظابط الفلاني اللي بيعذب المواطن الفلاني
انا تعاملت مع ضباط شرطة كتير جدا محترمين وعلي خلق وعلي دين
ايوة فيهم شوية جزم مننكرش دا
بس مش كل مصر كدا....تخيلي مصر من غير شرطة
ايه هيبقي وضعها؟؟؟
مصر بلدنا وشعبها احنا عارفينه...لازم يبقي في شدة في بعض الامور...يكن في تجاوزات من بعض الحالات الشاذة...بس مش معني كدا ان يحصل صدام ونرسب عداء مع جهاز في رأيي لو اختل مصر هتبوظ...رأي شخصي

اما بقي بالنسبة لمناهضة شخص زي ايمن نور ومحاربة مبارك والكلام دا خلاصة تتقال في كلام الله عز وجل

إن الله لا يغير ما بقوم حتي يغيروا ما بأنفسهم

وتعديل الدستور للأسوء السبب فيه المظاهرات
والكلام الفاضي اللي كان بيتعمل....
وطول ما المعارضين اخدين سكة الصوت العالي والهتافات اللي ملهاش لزمة حلنا هيبقي اسوء وهنبقي في الحضيض

اصل انت دلوقتي بتحارب النظام...النظام هيأمن نفسه وهيدوس عليك
وناس غلابة هتروح في الرجلين

انا حتي قررت اني مرحش يوم الاتنين في الاستفتاء...وبنصح الناس بكدا
لأنكم مش هتخسروا غير المشاور وبس.....اللي اتعدل اتعدل وخلاص


دا رأي شخصي جدا...انا لا بحب السياسة ولا بحب اتكلم فيها ولا بشغل نفسي بيها....التغيير وإصلاح الحال بيبقي الاول بين العبد وربه...بعد كدا كله بيتصلح بتوفيق الله عز وجل

معلش طولت عليكي

سلام

 

بكيت

لا حول ولا قوة الا بالله

 

مش عارف اقولك ايه
بجد رغم انى شاهدت الكثير من تلك اللقطات الا انها اصابتنى الان بنوبة من الغثيان
الفيلم مجمع بطريقة قديرة جدا تثير الحنق و القرف تجاه تلك الحفنة التى تستغل السلطة ونفوذها ضد الغلابة
ادعو الله ان يولى علينا من يخاف الله فينا و يرحمنا

 

harmless
اخى الكريم كم اسعدنى ردك الكريم وفعلا مش لاقيه كلام تانى اقوله انت قلت كل الى المفروض يتقال كل الشعب بيكرهه وهو مش ناوى يمشى هو على قلبنا ليوم طالون زى ما بيقولوا
وان لله وان اليه راجعون

 

الراقص مع الذئاب
كم اسعدنى مشاركتك ليا وجزاك الله خيرا على اعجابك بالمدونه...بس فى ملحوظه الى عرف نفسه هى nonaمش اناnothing to lose معلش اصل احنا تلاته وشكلنا يلغبط لاننا شبه بعض اوى فى كل حاجة حتى فى اسلوب كلامنا
بالنسبه بئا للظباط انهم مش كلهم كويسين انا شايفه ان الى يقدم فى كليه شرطه وهو عارف ان الاساس الكبير فاسد بالشكل دا يقدم فى اى كليه تانيه يفيد بيها البلد احسن
وصدقنى البلد بالشرطه من غيرها مش فارقه كتير لان حاميها حراميها يعنى لو موجودين فى سرقه ونهب وقتل ولو مش موجودين حيكون فى كدا بردوا فمش فارقه كتير..نظرة تشائميه اوى صح..معلش اصلى فعلا بكرهم اوى
بالنسبه للتعديلات بئا فدا تكمله للدكتاتوريه الى احنا عايشين فيها هو بيكتفنا زيادة علشان منعرفش بعد كدا نتنفس
وشويه كمان حيعمل قانون ننزل فى الشارع بالدور ناخد نفسين هوا ونرجع علشان احنا حتى حنتخنق فى بيوتنا
والله المستعان

 

sharm
انا كمان فعلا بكيت لان دى مناظر بتدل على القهر الى عايشين فيها
اسعدنى تواجدك فى مدونتنا المتواضعه

 

شخبطه ملوكى
فعلا الفيلم مجمع بطريقه حرفيه بحته علشان يقهرونا اكتر:((((
جزاك الله خيرا على مرورك
على فكرة المدونه بتاعتك رائعه

 

رغم إيماني التام اننا كشعب مخطئون
مفيش عمل بجدية
مفيش اخلاص
مفيش ضمير
مفيش توحد
مفيش دين

ومع ذلك قلبي وجعني من اللي شفته
ورغم ذلك
أحب ان يكون نقدك أقل حدة من كده
رغم اني واثق ان ده رد فعل بسيط للي بتحسي بيه
بس بجد لازم نغير نفسنا الأول
لازم نفوق بقى

اوصيكم بتقوى الله
وهوني على نفسك وعلينا
وبصي للحقائق من جميع الجهات
جبهة المعارضة مش دايما صح
وجبهة الوطني مش دايما غلط

ورغم ذلك لا أملك سوى كلمات التحية ليكي ولمدونتك ولكلامك
بالتوفيق