ضد رأيه تماااااااااااما

في ناس زعلانه مش عارف ليه من انتشار التدين

طبعا في ناس فعلا كده لكن الحمد لله الاغلبية العظمي بيحاولوا يقربوا من ربنا بجد مش عشان كبت ولا عقد نفسية ولا حاجة


ومع اني مش وهابي بس دا رأي ظالم جدا وسطحي وقمعي ضد الوهابية


يعني هو نفسه مارس القمع والظلم وعدم العدل علي قضية كبيرة اوي

دا مجرد رأي من وجهة نظري



تحياتي وسلام الله عليك

 

مسألة اتباع الحاكم وموافقتة رغم ظلمة لها فى كتب الفقة والشرع ابوابا

يجوز فى حالات نادرة منها الخوف على ضياع الدين والاسلام اذا انقلب المحكومين عليه

لماذا نصف التدين دوما ونرمية لمرجعيات وهابية او غيرها

قل ان هدى الله هو الهدى

لا أحد على وجه الارض لا يحب أن يعيش سعيد

والسعادة الحقيقة تأتى فى السير على شرع الله كما رسمه الله وليس كما نراه نحن


كتبتى التدوينة وجريتى
ينفع كدة؟

تحياتى

 

صح جدا في تدين حقيقي
وفيه اكتئاب مصحوب بظاهر التدين وينتشر سريعا عند المراه
اعراضه الدهوله في اللبس واهماله والعزوف عن النششاطات الاجتماعيه والزيارات العائليه والزهد في اي شئ وكل شئ والانزواء والانقطاع عن متابعه الجديد في السياسه والمجتمع والفكر وغيره
السمنه القاتله
الانسحاب من الدنيا
حاجه كدا زي البوهيميه
ايوة دا اكتئاب جماعي مش دين
الدين فيه نشاط وحماس ولا يحرم الفرح ولا يدعو الي العزوف عن العلم
الدين مش سواك وعبايه وكتي اذكار الصباح والمساء بس الدين لازم يكون فيه تفاعل مع المجتمع
انا بشوف كتير من النماذج دي او اللي في الطريق اليها
تحياتي

 

لا استسيغ كتاباته

 

هههههههههههههههههههههههههههههههه
احبك لما تجرى تدعمى مواقفك
ههههههههههههههههههههههههه
يابنتى علاء الاسوانى معظم الاراء اجتمعت انه علمـــــــــــانى
يعنى نظرة للدين مختلفه عن اى حد
كلمينى بلسان شيخ ذو ثقه :D
وعلى فكرة الوهابين مش بس بيشغل بالعم جسم المرأة مع انى من وجهه نظرى انه بالنسبه للمرأة اللى بتعد امم مهم جدا لانها لو مشيت عريانه فى الشارع اعتقد مش هيكون غير شويه مغتصابين ماليين الشوارع
والا احنا نعرى نفسنا ونقول لقدامنا غمض عنييك؟؟
علان مخرجــــــــش عن الموضوع
انا مش مع التعميم ان كل مصيبه نقول الوهابين
تحياتشى

 

مصراوي اوي

انا مع رأيك جدا وان في ناس بتقرب من ربنا بجد مش عشان قمع او عقد نفسيه..
بس السؤال بقي اللي بيطرح نفسه واللي انا منزله البوست دا علشانه ..طب اشمعني الحكومه سايبه السلفيين وانصار الحركه الوهابيه ..لكنها مش سايبه الاخوان المسلمين في حالهم !!

اللي عايزة اقوله انها في الاول وفي الاخر مسألة سلطه..انت متدين لكن مابتدخلش في السياسه ورامي حمولك بقي علي ربنا وهو اللي هايخلصلك ..او ان الدنيا دار فناء والاخرة ابقي ..يبقي مش هاعاديك ..لكن تدخل في السياسه تحت اي مسمي ..سواء بقي كان المسمي دا الحكم بشرع الله او واعدوا اوغيرها يبقي هوديك في ستين داهيه

صح ولا ايه ؟؟

مع ملاحظة اني لا انتمي لأي تيار ديني او سياسي من الاصل..يعني انا مش في صف حد علي حساب التاني

ـــــــــــــــــــــــــــــ
الطائر الحزين

ماهي هي بقي المشكله بالنسبه ليا في مسألة اتباع الحاكم دي ..مع احترامي طبعا لرأيك ويمكن انا مش علي درايه بالنقطه دي زي حضرتك .. لكن انا من وجهة نظري المجردة ..ان ربنا امرنا اننا نعمر الارض ودا الهدف الاسمي اللي الانسان خلق عشان ..وأمرنا اننا نأمر بالمعروف وننهي عن المنكر ..والرسول قال لنا نفس الكلام من رأي منكم منكرا فليغيرة بيده ..والخلفاء الراشدين رضي الله عنهم ..ابو بكر لما تولي الحكم وخطب في الناس وقال اني وليت عليكم ولست بخياركم فإن احسنت فأعينوني وان اسأت فقوموني ..وغيرها كتير واكيد طبعا حضرتك عارفاها اكتر مني
عموما الموضوع اكبر من انه هو يتناقش في بوست او مجرد كومنت

واتفق مع حضرتك تماما ان السعاده الحقيقيه في السير علي شرع الله وربنا يارب يعينا جميعا علي دا

تقبل خالص تحياتي ومودتي

ــــــــــــــــــــــــــــ
بنت القمر

اتفق معك جمله وتفصيلا

تحياتي ياقمر

ـــــــــــــــــــــــــــ
محمد عبد الغفار

اتفق معاك اني احيانا وليس دائما لا استسيغ كتاباته ويمكن لسبب مختلف ..وهو انها بتصبني بالاحباط

بس عموما انا بتابع اعماله كراصد لحالات وظواهر اجتماعيه ..وبيعجبني عرضه لها بجرأة يمكن ماشفتهاش عند اي حد تاني ..يعني مش معني كدا اني مسلمه تماما بكل ما يقوله ..لكن بيعجبني انه بيحكي عن عوالم اخري يمكن انا معرفش عنها حاجه رغم انها موجوده معايا في نفس البلد

تقبل خالص تحياتي ومودتي

 

وختامه مسك

الاخت رينا

يعني ربنا ادانا العقل ليه ..!!اكيد مش عشان نحطه علي الرف او عشان نقلص دورة في مجرد مناقشه كانت مابيني ومابينك تقومي تفتكري بعبقريتك الفذه اني هانزل بوست عشانها ..ميرو ياحببتي اعتقد انك عارفه دماغي وعارفه يعني ان اكيد الفراغ مش قاتلني للدرجه دي ..خلافتنا الشخصيه مابينا مكانها الماسنجر او التليفون ..

بس بما انك قررتي انك تناقشيها هنا علي الملأ يبقي لكي ما تريدين :)

بس في الاول كدا يا ذكيه يوم ماهاحب ادعم موقفي في نقطه دينيه عليها خلاف مش هاستدل برأي علاء الاسواني يعني بينما انا علي معرفه _وانتي عارفه كدا كويس جدا _ بالاراء بتاعت الشيوخ الثقات اللي ممكن لما احب استدل هاستدل بيها

عاجبني انك بتقولي
ان الاراء _رغم اني مش متخيله يعني ان الشيوخ الثقات اللي انتي تقصديهم هايسيبوا حال الامه والبلد اللي في الطين وهايقعدوا يصدروا احكام علي مجرد شخص رأيه في الاول والاخر رأي فردي لا هايودي ولا هايجيب _ اجمعت ان علاء الاسواني علماني ورغم ان دا ماكنش موقفك منه لما اخدتي مني عمارة يعقوبيان عشان تقريها!! ولما دافعتي عنها قدام محمد لما قراها وقالك عيب ان البنات تقرا الحجات دي ..طب والله ساعتها يابنتي عجبني موقفك

بس عموما ..مش معني انه علماني او انه مخالف لرأيي اني انحيه جانبا وافضل اقول دا علماني ودا وحش محدش يسمع كلامه ..من المفيد احيانا انك تعرفي الاراء المخالفه لرأيك لأن دا هايوسع معرفتك وهايخليكي علي درايه بحجات تانيه ماتعرفيش عنها حاجه

عموما ياستي حاضر من عونيا بما ان الاراء اجمعت علي انه علماني هاروح لعمو المفتي واطلعلك فتوي بإهدار دمه وبحرق كتبه في ميدان عام


نفسي نفهم ان في حجات في الدنيا اهم من مجرد نقاب او ملحفه او مين لبست ومين قلعته .. والمغتصبين الي ماليين الشوارع اللي بتقولي عليهم حصل وانتي موجوده هنا وحضرتي الحادثه انهم تحرشوا بمنتقبات في وسط البلد زي ماتحرشوا بمروي اللي كانت قالعه هدومها وبتغني علي المسرح
وانتي اكتر واحده عارفه ان المنتقبات بيتعاكسوا في الشوارع زيهم زي اللي ماشيين بشعرهم

المسألة مش مسألة منتقبه ولا لأ .. المسألة مسألة حالنا الزفت والشباب الضايع اللي مش لاقي يشتغل ولا يتجوز ولا يعف نفسه ..وبنأثر عليه كمان بالكليبات والافلام والزفت اللي بنعرضها لهم ..وحال البلد اللي من زفت لأزفت ..والناس اللي مش لاقيه تاكل وبتهج علي بلاد تانيه ولا حتي يروحوا يعيشوا في اسرائيل اللي ممكن تكون ارحم عليهم من بلدهم

والمسألة بردو مش مسألة اننا نتعري ونقول للي قدامنا غمض عينك زي ما انتي بتقولي ..ولو ان غض النظر بردو واجب لأن في حالات مش بنقدر نتحكم في حجابها من عدمه زي المسيحيات مثلا !!

تعرفي لما قريت بوستك بتاع لكم الله يافقراء المسلمين قولت انك تخطيتي مرحلة انك تبصي تحت رجليكي بس

وعموما ياستي انا ماقولتش خالص ان في مصيبه حاصله وان سببها الوهابيين _ جبتيها منين دي _ ان بناقش مجرد فكرة ان هل فعلا الحكومه بتدعم الفكر دا لأنه فكر اسلامي محايد سياسيا يعني مالوش دعوة بالسياسه خالص ..فهمتي كدا... ومتهيئلي ممكن تفهمي وجهة نظري اكتر من الكومنتات اللي قبل كدا

وعموما طبعا في الاول والاخر الخلاف في وجهات النظر لايفسد للود قضيه

وتحياتي وسلامي لبندق