زمان قبل ما اتجوز..كان في واحد جارنا بيحبني او بمعني ادق عايز يتجوزني
جارنا دا كان معيد في جامعة القاهرة ..وكان عنده سنتر كمبيوتر وكنت باخد عنده كورسات
مرة كنت طالبه منه فيلم سيبما او Lion king
الاخ مشكور جابلي الفيلم وبتكلم معاه عنه وبقوله الفيلم متاخد من مسرحية هاملت..
قالي مين هاملت دا
قولت له هاملت !! شكسبير
قالي ماعرفوش ..مين شكسبير دا ؟!
طبعا اصبت بصدمه في مشاعري واحاسيسي ..وروحت البيت وجبت ابويا وقولت له عايزين تجوزوني واااحد ما يعرفش شكسبير.... انااااا ولاااادي يطلعوا في يوم من الايام يسألوا ابوهم علي شكسبير يلاقوه مايعرفهوش !!!!
وبقيت علي نغمه واحدة ماخدوش يابابا ماخدوش يا بابا ماخدوش يا بابا
المهم
روحي يا ايام وتعالي يا ايام
وقابلت جوزي وحبينا بعض وبسرعه بسرعه اتجوزنا وبقي عندنا تلات عيال
من كام يوم قاعدين بنتفرج علي التليفزيون .انا وجوزي وبابا...اعلان في قناة فضائيه عن افلام الشهر المقتبسه من الادب العالمي ..كان فيهم فيلم حكمت المحكمه تقريبا وقالوا انه مقتبس من الملك لير ..طبعا انا معرفش الفيلم ..يمكن لأني مش غاويه تليفزيون اوي .. سألت زوجي العزيز بحسن نيه ..هو الفيلم دا مقتبس فعلا من الملك لير ..قالي مين الملك لير دا ؟؟ قولت له الملك لير !! شكسبير!
D: قالي ما اعرفوش
NONE
|
هههههههههههههههههههههههههههه
كميل كميل البوست يامزتي.. ومين يعيّب يُبتلى
:P :P
..عود أحمد
وحشتييييييييينا قوي فعلاً
:)