واخيرا ياجدعان ..تم المراد من رب العباد ..وتم زفاف الاخت اميرة (ناثينج تو لوز او رينا ) علي الاخ هادي (بندق سابقا ) في حفل عائلي بهيج حضره الاهل والاصدقاء ..والعاقبه عندكم في المسرات
ولولولولولولولولولولولولولولولولي
طبعا هو البوست متأخر تلات اربع ايام تقريبا عن يوم الزفاف..
بس يعني لحد ما عرفت استعيد توازني مرة تانيه.. ولحد ماحسيت اني ممكن اكتب بوست من غير ما افضل اعيط واسح وانهنه زي العيال
..وبعد ما تخطيت صدمة اني اروح البيت عند مامتها وهي مش فيه
..و صدمة اني ابقي راجعه بالليل وابص علي بلكونتها من ازاز العربيه وانا عارفه انها مش في البيت ولا في الشارع ولا في البلد كلها
واني اشرب اول فنجان نسكافيه الصبح من غيرها_احم..هو واضح يعني اني ماتخطتش اوي ..بس عندي امل اني مع الوقت هتعايش مع الواقع_
وبعد ما خرجت امبارح انا وانكومبليت وروحنا البلد(مكتبه)..الجو هناك خرجني من مود الاكتئاب اللي كنت فيه ..
طبعا الامر ماسلمش من احساس الاخت انكومبليت اللي فاكرة واحنا بنتمشي احنا التلاته في وسط البلد اخر مرة وبناكل ايس كريم ..
ولا احساسي وانا ماشيه في الشوارع اني بجد فاكرة كل ركن وكل شارع عدينا منه _سبحان الله علي الزهايمر اللي ماسكني في كل حاجه وسابني في دي بالذات _
دا غير ان كل الناس بقي اسمهم اميرة كل ما انده علي حد اتلغبط في الاسم واقول اميرة
واحساس ان صوتها لسه في وداني علي رأي انكومبليت ..
واحساس الدموع المخنوقه في عنيا ومش عايزاها تنزل
عزائي انها خلاص واخيرا مع الانسان اللي اختاره قلبها وان اكيد هايبقي في اتصالات بينا هاقدر اشوفها من خلالها ..
كمان كان في شوية اكتئاب ورغبه في الانعزال عندي وعند الاخت انكومبليت ..وتم التعامل معاهم والقضاء عليهم والحمد لله ..الهسهس الهستيري بس بيسيطر عليااحيانا انها هاتتجوز هي كمان في يوم .وهاعيش
الاحساس الزفت دا تاني ..ربنا يستر
والله بفكر فكرة عبقريه
اني اجوزها جوزي وتقعد معايا في الشقه
ونبقي نعمل انا وهي فيلم دانتيلا ..واهو
عندي تلات عيال نبقي نقسمهم بالنص
المهم يا ميرو يا حببتي _علي اساس انك هتدخلي نت يعني لما يخلص شهر العسل ويبدأ شهر البصل_ خلي بالك من بندق وشليه في عيونك الاربعه ..
الواد طيب وابن حلال
وطبعا هديكي فرصه شهر عسل بعدها هابدأ العد التنازلي في انتظار اول توأم_ومش هاقبل بأقل من كدا كفايه اني مسامحه في واحد_ وعيزاهم ولاد عشان اجوزهم البنانيت
ويا اخ بندق ..خلي بالك من ميرو الجميله ..وشيلها في عيونك الاربعه بردو..ميرو طيبه وبنت حلال ..هي يمكن عصبيه حبه ومجنونه حبتين ... بس طيبه وحنينه والله
ربنا يبارك لكم يارب
وتعيشوا في تبات ونبات ..وتخلفوا صبيان وولاد
مع تحياتشي
NONE
بارك الله لكما وعليكما وجمع بينكما فى خير