The Road To Nowhere
Our Stories about An Endless Trip On The Road To Nowhere!
Wednesday, June 13, 2007
تاج!!
تاج جاني من انكومبليت ..الملاحظ طبعا اني بتدبس في التاجات دي من اصحابي الواتيين اللي المفروض انهم عارفين اني مش بحب اسئلة التاجات ..بس ياللا بقي نعمل ايه !!المهم..نبتدي






أحب شخص لقلبك في الدنيا؟



مامتي وبناتي



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



انسان مستعد تضحي بحياتك عشانه و ركز في كلمه حياتك عشانه؟



هو عموما انا اقدر اقول اني انانيه شويه في مشاعري ..يعني مشاعري مابتخرجش بسهوله غير لناس معينه..وبناء عليه بردو شايفه ان اللي ممكن بجد اضحي بحياتي عشانهم فعلا مش مجازا..هما ماماوبناتي



ـــــــــــــــــــــــــــــــــ


انسان كرهته لدرجه الجنون و تمنيت لو تمسك سكينه و تنقض عليه و
تغرزها في قلبه تقتله و تقف تبص لجثته و تشفي غليل قلبك؟


مش عارفه..بس عمومااللي ممكن يوصلني للدرجه دي من الكره ممكن يكون

الذئاب البشريه اللي بيغتصبوا الأناث .. اي شخص يقوم بأي انتهاك جسدي عموما لأي فرد سواء ذكر او انثي.. واي حد بيحاول يلغي ادمية اي انسان مستخدما في ذلك اي اسلوب من اساليب الضغط زي المخدرات مثلا _يعني مش قصدي تجار المخدرات او اللي بيتعاطوها عموما قد ماقصدي الناس اللي ممكن تستخدم المخدر للسيطرة علي شخص ما وجعله خاضع ليهم ولسيطرتهم _


ــــــــــــــــــــــــــــــــــــ

ماهو اسم اجمل كتاب كتبه بشر قرأته و مازلت محتفظ به حتي الأن؟


يااااااااااااااااه كتير اوي اوي ..يعني مثلاعلي سبيل المثال لا الحصر حول العالم في 200 يوم وكتب انيس منصور عموما ..كفاحي لهتلر ..كتابات عائض القرني ..عيسي ابن الانسان لجبران خليل جبران ..كتب الميثولوجيا عموما وبالذات اليونانيه والبابليه والفرعونيه..كتابات د. احمد خالد توفيق عموماونجيب محفوظ واحسان عبد القدوس ..كتب مقارنة الاديان والفلسفه وعلم النفس

مجلات ميكي . تشارلز ديكنز وشكسبير وسارتر.وحجات تانيه كتير كتير

ـــــــــــــــــــــــــــــــــــــــ

اهم جهاز منزلي انت متعلق بيه او بتستخدمه كتير؟


الكمبيوتر طبعا ..

ـــــــــــــــــــــــــــــــــــــــــــ


..مكان تحس بالراحه عندما تدخله؟

المساجدالكبيره عموما وبالأخص مسجد النور والجامع الازهر..بيتنا هنا وعند ماما ..وارض عمي في البلد

ــــــــــــــــــــــــــــــــــــــــ

..شئ تحس بالراحه النفسيه عندما تنظر اليه؟


بناتي ..والنيل والبحر ساعة الشروق مش الغروب ..مناظر الخضرة والزرع والاشجار الكبيرة عموما (بصرة يا انكومبليت )

ــــــــــــــــــــــــــــــــــــــــ

مكان تحس فيه بالحنين و ذكريات جارفه متعلقه بيه؟


محطة مصر ..المطار

ــــــــــــــــــــــــــــــــــــــــ

..اجمل مدينه زرتها داخل مصر


اسكندريه وشرم الشيخ والعريش بالترتيب


ـــــــــــــــــــــــــــــــــــــــــــ

..اجمل مكان طبيعي رأيته في مصر


البحر والخضرة والنيل بالترتيب بردو

ــــــــــــــــــــــــــــــــــــــــــ

اكتر شخصيه كرتونيه بتحبها؟


بطوط بطوط بطوط وميكي وتوم جيري وسلاحف النينجا القديمه

ــــــــــــــــــــــــــــــــــــــــــ

نوع هاتفك المحمول؟


نوكيا 6103

ــــــــــــــــــــــــــــــــــــــــــ

سرعه بروسيسور جهازك؟


تقريبا كدا والله اعلم يعني وعلي حسب مابسمع ..انه 2.2 جيجا

ــــــــــــــــــــــــــــــــــــــــ

حجم ذاكره هارد جهازك؟


160 جيجا

ـــــــــــــــــــــــــــــــــــــ

المساحه التي تشغلها المواد الاسلاميه علي جهازك؟


20 جيجا

ــــــــــــــــــــــــــــــــــــ

نفس المساحه السابق ذكرها في قلبك الاجابه لنفسك عشان الرياء يااخوانا


طب لزمته ايه السؤال بالذمه.. عموما حتي لو كان المفروض اني اجاوب ..كنت مش هجاوب علي السؤال دا بالذات لأن الايمان حاجه في القلب ومابحبش حد يدخل فيها


ـــــــــــــــــــــــــــــــــــ

اهم هدف انت واضعه لحياتك الاّن؟


اني اربي بناتي كويس ..احافظ علي بيتي عموما بس من غير ما انسي نفسي او اهمل حقها عشان ما اضيعش مني

ـــــــــــــــــــــــــــــــــــ

مواصفات فتى الأحلام بالنسبه لكي ؟؟

هو سؤال متأخر قوي !!


كنت اسأله بدري تلات سنين وانا اجاوبك

ـــــــــــــــــــــــــــــــــــــــ


شعورك لما بتسمع كلمه مصر؟


بطلت اتابع متشات الكورة من زمااااان !!

ــــــــــــــــــــــــــــــــــــــــ

شعورك لما بتسمع كلام عن اليهود؟


اليهود عادي مجرد اختلاف عقائدي مش من حقي اني احاسبهم عليه لأننا في الاخر كلنا بنعبد رب واحد وربنا اللي هايحاسب الجميع مش احنا ..يمكن بس بكره الاسرائليين العنصريين تحديدا والصهاينه

ـــــــــــــــــــــــــــــــــــــــ

شعورك لما بتشوف ظابط شرطه؟

بصراحه كان الاول عادي ..دلوقتي حساهم توحشوا وافتروا علي مخاليق ربنا وغصب عني باخد موقف عدائي والاقي نفسي متحفزة اني اتخانق واقلب الدنيا لو اتكلم معايا نص كلمة..ولو اتهور بقي وقرر انه يعاكسني _وهما اكتر ناس بيعاكسوا وبيبصوا بصات مش كويسه عموما لأي حاجه مؤنثه ماشيه في الشارع_ ممكن اتهور ارد _رغم ان مش طبعي اني اعبر اللي بيعاكسوا يعني _ بس عشان احرق دمه واخليه يتكسف لأنه المفروض يحمينا مش يعاكسنا ..!!


ـــــــــــــــــــــــــــــــــــــ

شعورك لما بتشوف الكناس العجوز في الشارع؟

الكناس العجوز والبائع العجوز اللي بالعربيه الكارو بالذات في عز الحر او عز البرد ..بيبيقي نفسي المهم كلهم وادخلهم البيت أأكلهم وانيمهم واعمل كل اللي اقدر عليه عشان اريحهم ..وياسلام بقي لو بجانب الحر او البرد حسيت انه تعبان كمان ولا يقوي علي العمل ..والنعمه ممكن لو نفع وظروفي سمحت اتكفل بيه ..لو ماسمحتش ودا الواقع طبعا بيبقي هاين عليا اقعد اعيط جمبه وبافضل اشتم في البلد وفي أولاده وفي الظروف اللي تخلي واحد زيه محتاج للراجه انه يطلع تلاتينه بالمنظر دا



ــــــــــــــــــــــــــــــــــــــ


افكارك تجاه شاب ماشي في الطريق لابس جلابيه بيضاء قصيره و عمامه وله لحيه و بجيبه السواك و بيده المصحف؟


بصراحه شديدة جدا ومن غير ما ازعل حد مني ..كنت الاول بافرح بيهم قوي ..واقول الشباب المسلم اللي هايحرر القدس ..بس طبعا بعد ما قربت وحصل صدام بينا في ارض الواقع اكتر من مرة مع اكتر من شخص ..اكتشفت انهم ناس عاديين ليهم غلطاتهم زيهم زينا ..بس المشكله ان فيهم اللي منصب نفسه قاضي وجلاد وشايف نفسه ناس غير الناس وبيحكم علي الناس وعلي مدي ايمانهم وهو في الحقيقه له غلطاته اللي ممكن تكون ابشع الف مرة من الغلطات العاديه اللي بيرتكبها الناس ناسي ان ربنا بيقول "اتأمرون الناس بالبر وتنسون انفسكم " وحجته في كدا غالبا بتكون الأمر بالمعروف والنهي عن المنكر !!

بعد ماقربت منهم للأسف وكل اللي عرفتهم واللي حظي الوحش وقعني فيهم منهم بلا استثناء مدعين وكاذبين ..وحصروا الدين في مجرد زيي وكلام بيقولوة عن مدي حرمانية تصرفات الناس ونسيوا جوهر الدين الحقيقي وتصرفاتهم هما ..ومعظمهم بيعمل غلطات كبيرة بس بيخفيها عن الناس عشان مايبقاش مجاهر بالمعصيه ..!!

طب الاولي اننا نخاف ربنا ولا الناس !!


عموما انا رأيي دا عن تجارب شخصيه جدا شوفتها وعشتها مع اكتر من حد قريب مني ..يعني مش بطلق عليهم الحكم ...

بس اكيد في منهم ناس كتير كويسين جامعين في الالتزام مابين الشكل والمضمون بس انا حظي اللي وحش يمكن وماشفتهمش ..


عموما ربنا يهدينا جميعا

ــــــــــــــــــــــــــــــــــــــــــــــ


احساس يراودك في اشاره مرور مغلقه بسبب مسوؤل كبير؟


أمــــــــــــــــــــــه علي رأي انكومبليت .. انا بالذات طريقي لكليتي كان بيمر بطريق النصر والمنصه ..فطبعا طبعا ..لك ان تتخيل مدي الحقد والغل الدفين اللي متراكم من ايام ما كنت بتأخر علي المحاضرات وماادخولهاش..ومن ايام ما اتأخرت مرة علي امتحان الترم وكنت مش هادخله لولا ان المتأخرين كانو كتير فدخلونا رأفة بحالنا بس طبعا متأخرين نص ساعه عن وقت الامتحان اللي زمنه كان علي قد الاسئله بالثانيه...

طبعا بتخيل كم الناس اللي مصالحها متعطله بسبب معاليه ..وبفضل اتخيل مع نفسي كزيادة في شحن بطارية الغل الدفين ان الناس دي اكيد فيها العيان واللي عايز يروح شغله واليوم هايتخصمله .وطبعا هو محتاج كل جنيه في المرتب عشان مراته واولاده..واللي مصالحه متعطله ..واللي هيتأخر علي معاد القطر او الطيارة ..

بيبقي هاين عليا انزل اجري ورا العربيه بتاعته واحدفه بالطوب واكسرله ازاز العربيه ..وطوبه تيجي في نافوخه تبطحه ..بس للأسف ليس كل مايتمناه المرء يدركه :(


طبعا في النهايه انا مش عارفه امرر التاج لمين ..لأن معظم اللي اعرفهم جابوا عليه ..بس عموما هو موجود ومن حق اي حد انمه ياخده ويجاوب عليه


يا اخت انكومبليت ..معظم الاسئله كان نفسي اعمل لها كوبي وبيست كان هايبقي اسهل ..وعموما مش عارفه اقولك ايه غير ان

التشابه في وجهات النظر لا يفسد للود قضيه ..


هاتي بوسه


None


posted by sara @ 9:43 PM   9 إيه رأيك
Sunday, June 10, 2007
HAPPY BRITHDAY to cute NONE
النهارده ده يوم مميز
يوم جميل
يوم بديع
يوم حقيقي سبيشيال
None النهارده عيـــــــــــــــد ميــــــــــــــلاد أحلى
هيييييييييييييييييييه هيييييييييييييييييييييييييييييييييييييييه

Photo Sharing and Video Hosting at Photobucket

ياأعز وأغلى وأحب صديقة وأخت وحبيبة إلى قلبي.. مش بعرف اقول كلام حلو ومتذوق.. بس انتي اكيد عارفه كويس وحاسة انت بالنسبة لي ايه
ماتعرفيش انا مبسوطة قد ايه ان ده أول عيد ميلاد لينا مع بعض
كل سنة وانت طيبة ياقمرتي
كل سنة وانت اختي وصديقتي وأقرب الناس إلى قلبي
وعقبال مليووووووون سنة كلهم يكونوا هنا وحب وسعادة..وتحققي فيهم كل أحلامك، وتشوفي بنانيتك الكميلين عرايس في الكوشه

المهم يعني ومن الآخر كده.. انا عايزه تورته زي اللي تحت دي ماليش دعووووووة
عاااااااااااااااااااااااااااااااااااااا
اتصرفي
مش عيد ميلادك ياهانم.. اطلع بكره عليكي من الشغل وألاقيكي محضرالي تورتة اخت اللي تحت دي بالظبط
:P :P
Photo Sharing and Video Hosting at Photobucket
بحبـــــــــــــــــــــــــــــــك قد البحر وسمكه
;)
mmmmmmmmwaah


Incomplete
.
.
.





انهاردة اسعد يوم فى الايام






الدنيا كلها كانت من 25 سنه مزقططه



مستنيه اجمل واشقى وأحلى بنوته على وجهه الارض



وجت الدنيا وملتها بهجه وحب



كانت حبيبه بابا وماما



ودلواقتى حبيبتنا كلنا


منى قلبى ونور عينى ...لو تعرفى انتى ايه بالنسبه ليا...عارفه لما تكونى الميه للعطشان


الفرحه فى وقت الحزن...انتى كل حاجة حلوة حصلت ليا فى حياتى



انتى الاخت اللى كنت بتمناها...والصديقه اللى ياما حلمت تكون فى حياتى



كل سنه وانتى طيبه




وانت سعيدة



وانتى جميله



وانتى ام واخت وصديقه



كل سنه اونتى منوره ليا حياتى



ان شاء الله السنه اللى جايه تحققى كل اللى بتتمنيه



يا اغلى واعز حبيبه وصديقه واخت وام احيانا



بس ام ليا انا



مش للبنوتات



ربنا يخليهم ليكى ويخليكى ليا ياااااااااااااااااااااارب



بحبك اووووووووووووووووووووووووووووووووى



امووووووووووووووووووووووووووووووووووووووووووووه

Photo Sharing and Video Hosting at Photobucket




nothing to lose























































posted by Incomplete @ 12:07 AM   21 إيه رأيك
Saturday, June 9, 2007
بكرة تعرف


بس يا خسارة ..خسارة


ع الحب اللي كان


لما تعرف ..يا حبيبي


بعد مايفوت الاوان



None


posted by sara @ 10:12 PM   5 إيه رأيك
Friday, June 8, 2007
احبه ..لأني ..كأنه ..كأني ..اصبحت في هواه منه.. وصار مني



احبه كثيرا
اكاد من جنوني اليه ان اطير
وانشر الجناح..اسابق الرياح
اعانق الهواء ..والصبح والمساء
واعبر الجسور ..والنهر والبحور ..شوقا الي حبيبي
احبه كثيرا


واغزل الصباح..وشمسه وشاح
ليتقي حبيبي ..بظله الهجير
والثم الضياء..والارض والسماء
والورد والعبير ..والطير والغدير
لأن لي حبيبا
اكاد من جنوني اليه ان اطير
وانشر الجناح ..اسابق الرياح
اعانق الهواء ..والصبح والمساء
واعبر الجسور ..والنهر والبحور ..
شوقا الي حبيبي
احبه كثيرا




احبه لأني ..كأنه ...كأني
اصبحت في هواه منه ..وصار مني
ان حدثوه عني ..يذوب مرتين
وان حكوا عليه ..اريق دمعتين
فدمعة لكوني ..احبه كثيرا
ودمعة لأني .. وجدته اخيرا
احبه كثيرا
اكاد من جنوني اليه ان اطير
وانشر الجناح ..اسابق الرياح
اعانق الهواء ..والصبح والمساء
واعبر الجسور ..والنهر والبحور
شوقا الي حبيبي
احبه كثيرا








ربنا يسامحك يا انكومبليت :'(


الصورةالرائعه من مدونة كات ايز.


None
posted by sara @ 12:37 AM   6 إيه رأيك
Sunday, June 3, 2007
لحظة تجلي


عندما تكون دائما البدائل متاحه امامك..
دائما ما تختارين الاسوء
..ثم تملئين الدنيا حولك صراخاعلي ما اختارتيه
وانتي في كامل قواكي العقليه


صراع ابدي داخلك ان الامس افضل من اليوم ..
وماكان افضل من الان
..تقارنين دوما بين ما تمنيت ..وما حدث
..وما فقدت وما معك

ودائما تطالبين من حولك بأغاثتك..متناسيه
ان فاقد الشئ لا يعطيه


كنتي زمان بتتصرفي بتلقائيه اكتر من كدا
..ليه دلوقتي بتفكري في الكلمه ميت مرة قبل ما تنطقيها
وفي الحاجه الف مرة قبل ما تعمليها
بقي يهمك نظرة الناس لكي ..
اعترفي ..
نعم انتي تهتمي
وان كنتي تظهرين العكس ..حتي امام نفسك


.. تخافين الوحدة التي طلما عانيت منها وانتي صغيرة
تعلمين ان الجميع..جميع من تحبي ..يذهب في النهايه الي مكان ما ..
وتظلين انتي وحيدة دائما

وحدتك تحيا بداخلك
وستظل تطاردك مهما زاد عدد الناس حولك ..
تركنين دائما الي نفسك ..نفسك بس ..
بتحاولي تخديها في حضنك وتطبطبي عليها يمكن تحبيها
..بس من جواكي خايفه منها
عارفه انها ممكن في اي لحظه تغرز انيابها فيكي

تكرهين نفسك اشد ما تكرهين في الحياه..
مسخ دميم يحيا بداخلك
تودين احيانا التخلص منه ..ويود احيانا الفتك بك

تريدين دوما ان تحتفظي بخيوط اللعبه في يدك
تريدين من الدنيا كل شئ ..
رغم انك تفكرين الف مرة قبل اعطاء اي شئ

دائمة البحث عن الكمال ..
رغم انك تعاني من داخلك من قمة الشعور بالنقص


كنت بشوف نفسي كما اكرهها فيها ..حاولت ان اظل بجانبها
.فأنا اعلم انها مثلي جزعه ووحيدة وخائفه ..
ربما كانت افضل مني في اختيار مصيرها ..
وربما هي الان سعيدةراضيه ..
لكنني مازلت ابحث عنها في الوجوه التي اقابلها ولو صدفة في الطريق
..وافتقدها بين الحين والحين كما افتقد صورتي في المراة


تعشقين العيش في الاجواء الرماديه ..
وانصاف الحقائق .
اعلم ذلك جيدا وان كنتي تحاولين اخفاءه.. حتي عن نفسك

لما واجهتي نفسك مرة بحقائقك المجردة
شعرتي بانهيارك امام نفسك ..
انهارت الصورة اللي انتي عايشه فيها ومصدقاها
واللي دايما بتضحكي علي نفسك بيها
احيانا بيكون في انصاف الحلول ارضاء للطرفين لنفسك ..ولنفسك

تجذبك دوما اجواء الاثارة والمغامرات الجديده
..لكنك دوما اجبن من ان تكملي المشوار حتي نهايته

نفسي اثبت علي معيار واحد قدام نفسي ..
ولكن نفسي تأبي ذلك ..
سأظل دائما اعاني من ازدواجية المعايير ..
ساعات بيكون دا حل مؤقت ..مخدر ..
بس لما بتفوقي منه كالعاده ..بتكرهي نفسك

ساعات كتير بخاف علي اللي بحبهم يكون فيهم زي اللي فيا
.. او يكون اللي فيا منهم

تجربتك الاولي اثبتت فشلك الزريع في ان تكوني قدوة ..
قد كنتي كذلك يوما دون ان تدري ..ثم تصرفتي كالحمقي كعادتك

ذنبها هايفضل في رقبتك ..وهتفضلي قدام نفسك انتي السبب في اللي جرالها
اخدت منك اسوء مافيكي ..
اخدت خطأك المبرر قدام نفسك وقدام الناس وفعلت مثلك تماما
..فلا تلومي الا نفسك

عارفه ان المواجهه افضل طريقه للدفاع ..بس بافشل كل مرة

دايما ببقي من جوايا كمشانه علي نفسي..
وكل ما احاول اطلع.. اتصدم ..انكمش زيادة..
دايما بحس ان الناس بتكرهني.. يمكن لأني انا كمان بكرهني !!

ليه من جواكي مش راضيه..فاقده احساس القناعه بنفسك
كل ما بحاول اكون انا باتصدم ..

لو مش من الناس بيبقي من نفسي



..بتدوري علي الحقائق المطلقه..
رغم انك عارفه ان البر امان..
وانك كل ما بترمي نفسك في بحر التجربه بتغرقي


اعترف.. انك الشخص الوحيد الذي ملك جميع مفاتيحي وخيوطي
وجعلني اتخلي عن جميع قناعاتي السابقه ..
لأكون لك وحدك ومعك انت.. انا ..
وانثي مجردة من جميع القناعات والشعارات
ام تراه وهم مازلت اعيش فيه ..
وقيد لنفسي الثائرةدوما والتي تأبي القيود
تري لو اطلقت قيودك يوما ..ماذا ستفعلين بي ؟؟


امصيري ان امشي وغدي امس ..واحباء وقيود

هو ممكن الانسان من كتر مابيتعامل مع الالات ..يجي عليه وقت ويبقي زيهم
مدخلات ــــــ معالجه ـــــ مخرجات
feedbackبس يا خسارة من غير



طب ليه بتبصي للجانب الفارغ من الكوب ..
وتنسين الجانب الممتلئ
بس هو فعلا في جزء فارغ..وجزء ممتلئ..
في كوب اصلا ..!!

وللا كالعاده وهم بتضحكي بيه علي نفسك


لما بتيجي علي بالي ..بعرف اني قويه ..وهاستحمل ..
لما تبعدي مش هازعل ..لأني عارفه انك هاتكوني مبسوطه .. علي الاقل في الاول
ولأنك هاتفضلي جوايا .
عشت التجربه قبلك وعارفه الاحساس كويس .
ساعات بس بخاف عليكي لما تكتشفي الحقيقه المجردة ..وينهار المنظار الوردي ..
بخاف لأنك هاتكوني وحدك مش هابقي معاكي ..زي ماكنتي معايا .
ورغم اني ساعات ببقي مش طايقه غباءك ....
بس بحبك..
ياريت اقدر احبني قد ما بحبك


ملوله حتي من نفسي ..ومن شعاراتي الزائفه
احاول الثبات عليها
..ربما امام نفسي ..اكثر من الناس

لكنني سرعان مااملها..لتسقط سريعا

ترفضين دوما الاعتراف بضعفك..حتي امام نفسك..
تكرهين هذا الضعف وتحاولين دومامداراته تحت قناع القوة الزائفه
والذي ينهار بدورة بمجرد ان تكوني وحيده.. لعلك لهذا تكرهين الوحده؟!

اخدت منها عنادها وكبرها ..
وعدم قدرتها علي الاعتراف بالخطأ ربما امام الناس فقط
صلابة رد فعلها وخلوه من المشاعر .جرأتها الغير مبرره .
ونسيتي ان تأخدي قلبها الابيض

واخدتي منه سيطرة العقل
وقلب لا يملك القدرة علي المغفرة لمن اساء له
ونسيتي ان تأخدي حكمته وقدرته علي وزن الامور ..
وابتسامته الصافيه

تري ما الذي اخدوه منك بدورهم ؟؟

دايما بتستعيري في الثبات ..بوسائل دعم خارجيه
عشان عرفاكي ضعيفه..
ولو سبتي نفسك ..لنفسك اللي بتكرهك ..هتدمرك


عارفه اني بحبك..
وبحب شبهي فيكي
صورتك اكثر نقاء مني
صورة لم تلوثها مرارة التجربه ولا الزمن ولا الاخرين
غموضك احيانا يستهويني
احساس الوحدة جواكي شبه اللي جوايا..
بشوف نفسي فيكي وانا لسه بقاوم الموج
واحاول اتعلق بأي قشايه .
قبل ان ادرك ان الغرق مصير الكائنات الحيه
اما الغرق او الانقراض
ربماكنتي الاقوي ..وربما سأراكي يوما كما كنت اتمني لنفسي ..
ولكن هل ستكونين وقتها راضيه..!!



اعلم انك احيانا تري نفسك في ..
ربما اشد ماتكرهه في نفسك تراه في تناقضي ..
كنت بالامس القريب تحب تمردي..
الذي يشبهك والذي دفعك الي ما انت فيه الان ..
لكنك الان تكرهه..
وتطلب مني ان اساق كالشاة ليتم ذبحي ..
اعلم ان ذلك مصيري ..
ولكن يامن علمتني الاعتراض ..
اليس من حقي فقط ان اكون نفسي
!! واعترض

ربما في الغد القريب ..سأحيا فيكم من جديد ..

سأحاول اصلاح ما افسدته يداي ..في ..فيكم

فلم يبقي لي امل في الحياه وفي نفسي سواكم

ربما اخشي الغد احيانا . حين اجدني احيا كما اكرهني ..فيكم

لكنني سأظل متمسكه بالامل ..فربما كما كرهتني يوما في

..احبني يوما فيكم



None
posted by sara @ 12:49 AM   14 إيه رأيك
تايهين على الطريق


مالي النهارده
إمبارح اللي عدّى
ناس من هناك
اديني ودنك

Powered by

Free Blogger Templates

BLOGGER

عدّى من هنا
free web counter