The Road To Nowhere
Our Stories about An Endless Trip On The Road To Nowhere!
Saturday, April 28, 2007
تاج ..بس دي اخر مرة ومافيش تاجات تاني
بناء علي رغبات الجماهير ..وبالذات البت ناثينج عشان عيد ميلادها ومش عايزين نزعلها..قررت اني اجاوب علي التاج اللي جاني من الهانم اللي غاويه تشريد..ومردودالك قريب يا قطه
انت ليه اخترت الاسم دا ؟
والله انا اخترت الاسم عشان يتماشي مع الجو العام للمدونه..وعشان
الاسم موحي بصراحه اني لا احد ولا شئ ..يعني محدش يحاول يبقي حشري ويعرف عني حاجه من الاخر...:)
ــــــــــــــــــــــــــــ
undo...لو تقدر ترجع الزمن مره واحده,تعمل
لموقف ما,ايه الموقف اللي حتختار تشطبه من حياتك؟
مش عارفه ..بس عموما رغم الضغوط اللي الانسان بيتعرض لها بس الحمد لله الحياة حلوة والحمد لله راضيه عندها تماما ..يعني مافيش حاجه احب اشطبها او الغيها من حياتي
ــــــــــــــــــــــــــ
*لو معاك طاقيه الاخفا,حتعمل بيها ايه؟

اكيد هابقي منشكحه جدا زي ناثينج بالضبط ..واول حاجه هاعملها اني استحمي عريانه في البحر ...وامشي عريانه بردو تحت المطر..ماهو محدش شايف بقي... دا طبعا بصراحه شديدة:D
ـــــــــــــــــــــــــــ
لو تقدر ترجع بالزمن ليوم واحد بس,لاي وقت او يوم,ترجع لامتي و فين؟
لرمضان اللي قبل اللي فات ..وصلاة التراويح في المسجد مع البت ناثينج..والهدوء والسلام النفسي اللي كنت فيه ... وقيام العشر الاواخر في المسجد لحد الشروق ...بجد بجد كانت احلي ايام حياتي
ـــــــــــــــــــــــــــــــ
*لو معاك مصباح علاء الدين,ايه التلات طلبات اللي حتطلبها من الجني؟
اول طلب ...الحكمه
تاني طلب ..مبلغ كبير جدا جدا من المال ..يكفي مشاريعي الشخصيه والخيريه
تالت طلب ..احقق امنيتي من وانا صغيرة ..اني اروح مكتبه كبيرررررره ويقفولوا عليا ويسبوني اعيش حياتي مع الكتب ..وياحبذا لو كانت مكتبة الفاتيكان ..عشان بيقولوا فيها اسرار ومخطوطات وحجات غريبه عجيبه كدا
ــــــــــــــــــــــــــــ
**لو تقدر تعيش في شخصيه تانيه ليوم واحد,او حتى علي طول,تحب تعيش بدل مين؟
مش عارفه..مش مكان حد عموما ..بس نفسي ارجع وانا طفله صغيرة واعيش كدا علي طول
ــــــــــــــــــــــــــــ
,نفس قدره ترجيع الزمن,حاجه حتعملها و انت مش قادر تعملها و خايف منالنتيجه بتاعتها,معاك لقدره دي,فتقدر تعمل
الحاجه دي و لو فشلت ببساطه تعمل ليهاundo
و يا دار ما دخلك شر,ايه هي الحاجه دي
..
اني كنت اتجوز الانسان اللي انا مرتبطه بيه واللي مترددة شويه في
موضوع الجواز منه ..واجرب الحياه معاه هايبقي شكلها ايه
ـــــــــــــــــــــــــــــــ
خمس حاجات محدش يعرفها عنكممممم
يعني المفروض ان الحجات دي الاخت ناثينج ماتعرفهاش ..المشكله اني مش
بخبي اي حاجه ..وجميع تصرفاتي حتي لو كانت غلط ..فهي معروفه وبعملها قدام الناس عادي ..بس المشكله بقي اني فعلا مش لاقيه حتي تلات حجات ناثينج ماتعرفهموش ..بس هحاول
اولا اني بحب المصارعه الحرة ..وهي ماتعرفش
ثانيا اني بحب اقرا مجلات ميكي ..وهي بردو ماتعرفش
ثالثا بحب زهرة البنفسج ..رغم اني مش بحب اللون البنفسجي
رابعا اني ساعات بحس ان البت ناثينج حبي ليها في مواقف معينه ..بينقلها من طابور الاصدقاء والاخوات ..الي طابور الابناء
خامسا ..ممكن نقول انها ماتعرفش اني رغم اني اجتماعيه ..بس مياله للوحدة شويه من جوايا ..مش انعزاليه زيها ..بس بحب الوحدة ..رغم اني مابسمحش لنفسي اني ابقي وحيدة
واخيرا مش هاتاج حد ..عشان ماحدش يحتاس الحوسه اللي انا كنت محتساها وانا بجاوب علي الاسئله..بس ممكن بقي ردا لموقف لوست بتاع الشنط اني اتاجها هي
None
posted by sara @ 7:40 PM   20 إيه رأيك
Friday, April 27, 2007
happy birthday nothing to lose

كل سنه وانتي طيبه يا ناثينج يا طيبه

كل سنه وانتي جميله كدا علي طول

كل سنه وانتي منورالي دنيتي ومعايا دايما في كل بسمه وكل دمعه



بحبك اوي
None

Photo Sharing and Video Hosting at Photobucket

كل سنة وانتي طيبة ياأحلى أخت وصديقة
كل سنة وانت ملاك وجميلة ورقيقة
عقبال مليوووون سنة..تقضيهم في هنا وحب وسعادة وفرح
وربنا مايفرقنا أبداً ولا يحرمني منك أبداً ياأعز وأغلى الناس
:) :) :)
بحبك موووووووووت
Incomplete

Photo Sharing and Video Hosting at Photobucket
حبيبة قلبي
كل سنة وانت حبيبتي وصديقتي
وعقبال 100 سنة
والسنه جاية أشوفك كده عروسة في قفص الزوجية وافرح فيكي
D:D:
وحشتييييييني جداً يابت
ليكي عندي فسحة وهدية بس لما ارجع من هناك
إن شاء الله
وادي بوسة تحت الحساب
امممممممممممممواه
Lost
posted by Lost @ 8:31 PM   22 إيه رأيك
Wednesday, April 25, 2007
VAN GOGH







































None









posted by sara @ 7:29 PM   13 إيه رأيك
Tuesday, April 24, 2007
أتجينااااااااااااااااا

مبدأيا عايزة اشكر ارتعااااااااشاااااااااات على التاج دا ومش هنساه ابد ابدا طول حياتى لانه اول تاج ليا وكمان لانه جى من اخ عزيز جدااااااااااااااا عليا ...ميرسى يا ارتعاشه ..ربنا يجبر بخاطرك يا خويا يارب


انت ليه اخترت الاسم الغريب ده؟

والله التاج دا جى اسمه نتيجه التوهااااااان الى احنا فيها.

.فترة فى حياتنا بجد أدت الى الطريق الى لا مكان فقررنا ان اسم البلوج بتاعنا يتكلم عن مودنا الى احنا فيه ...بس يارب بئا منتوهش ونلاقى الطريق:D...

*******

undo...لو تقدر ترجع الزمن مره واحده,تعمل

لموقف ما,ايه الموقف اللي حتختار تشطبه من حياتك؟

ممممممممم..فعلا سؤال صعب ..بس انا لو بصيت على حياتى من بره كدا هلاقى ان الحمد لله لسه مصادفنيش فى حياتى الى يخلينى اختار الاختيار ا الحمد لله


*********

*لو معاك طاقيه الاخفا,حتعمل بيها ايه؟



هييييييييييييييه هييييييييييييييييييييه هبقى منشكحه جدا جدا بصراحه وهفضل لابساها على طول ...علشان اكون على حريتى وامشى ومحدش يبص عليا ولا اتصرف تصرف والاقى حد بينتقدنى فيه او بيمدحنى فيه
...
.*******

لو تقدر ترجع بالزمن ليوم واحد بس,لاي وقت او يوم,ترجع لامتي و فين؟


ارجع لاول يوم لبست فيه النقاب ..بجد كان احلى يوم فى حياااااااااتى كنت مستقرة نفسيا ومعنويا وكل حاجة كان يوم جميل بكل المقاييس..قررت الساعه 12 بليل الساعه 12 الظهر كنت لبساه ولا حسيت فى حياتى بفرحه اد اليوم دا ولا

شكلى ههحس تانى

****************

*لو معاك مصباح علاء الدين,ايه التلات طلبات اللي حتطلبها من الجني؟

ياسيييييييييييييييدى
دا انا هطلب طلبااااات اااااااااد كدا بس بدام تلاته هحاول استفيد أد ما اقد
ر


1-يدينى فلوس تكفى لمبنى اجمع فيه كل اولاد الشوارررررررررع كلهم كلهم ويكون على مستوى عالى جدا واسعدهم اوى
2-يدينى بيت فى جزيرة ويكون بسيط اوى ويكون فى الزاد الكافى لانى اعيش وتكون جزيزة مليانه خضرة والبحر حواليا من كل مكان
3-يطولنى رقبه اليهود كلهم مرة واحدة واقضى عليهم ويساعدنى انى افتح القدس وكل الاماكن الاسلاميه المحتله
:Dوطبعا دا احلام ها

********************
**لو تقدر تعيش في شخصيه تانيه ليوم واحد,او حتى علي طول,تحب تعيش بدل مين
؟

أمممممممم..بدون تفكير كدا فى

شخصيه امى فهى مثاليه بكل المقاييس وكان نفسى اكون ربعها


****************

سؤال شبه الاولاني

,نفس قدره ترجيع الزمن,حاجه حتعملها و انت مش قادر تعملها و خايف منالنتيجه بتاعتها,معاك لقدره دي,فتقدر تعمل

الحاجه دي و لو فشلت ببساطه تعمل ليهاundo

و يا دار ما دخلك شر,ايه هي الحاجه دي؟


أنى اموت..واشوف كل مراحل عذاب القبر ونعيمه والحساب والجنه والنار واعرف كل حاجة عن الموضوع دا رغم انه مشروح كويس اوى لينا ...بس تعيش الموقف حاجة وانك تسمع حاجة تانيه
بس لو القدرة فقدت قدرتها اول ما اختار كدا همووووت من الرعب بجد عااااااااااااااااااااااااااااااا
...

******************************

خمس حاجات محدش يعرفها عنكممممم.

..يوووووووووووووووو حاجات كتير جداااااااااااااااااااااااا
1-انى شخصيه انعزاليه جوايا اوى...بحاول امثل انى اكون اجتماعيه وبنجح جدا الحمد لله بس انا من جوايا انعزاليه ومحدش يسال ازاى
2-انى لو شفت اى حد ادامى ضعيف او حسيت بضعفه ممكن اتبهدل نفسيا واحط نفسى مكانه واعيش موقفه بئا وتبقى نيله خالصه وابهدل نفسى اوى للاسف...علشان كدا مش بحب اتفرج على افلام لانى ممكن اعيش دور البطله بجد لو ضعيفه او مقهورة وبتبهدل للاسف..ادعولى الله يكرمكم ربنا يشفينى:((((((
3-ان اقل موقف ادامى يوجع بيخلينى ابكى اوووووى ولو مش بكيت بعنيه قلبى بيبكى اوى ...هبله على راى البت نان
-4ان لو حبيت اى حد اصحابى اهلى اى حد اوووووووى ممكن اتفانى فيه واتنازل عن نفسى تماما علشانه ...وبردوا دا هبل منى وبحاول مذوبش فى الاخر
5-دى بئا خصله مصيبه فيا انى مش بعرف أسى على حد خااااااااالص حتى لو حرامى او قاتل او فى عبر الدنيا بيصعب عليا وبقول اكيد هو مريض او نشأ فى بيئه غلط وبخلق لقدامى ميت الف عذر علشان مجيش عليه فى حين انى باجى على نفسى اوى بس بحاول طبعا على اد ما اقدر محدش يكشف اوى الموضوع دا لانى الناس هتستعبطنى والناس ما بتصدق تشتغل حد
:D


بس خلاص
...تحب نتاج مين بعدك
نان
انكمبليت
مهند
صورصارة
والراقص لما يرجع بئا
:D..
posted by Nothing To Lose @ 10:13 PM   10 إيه رأيك
Saturday, April 14, 2007
شنطة ايد

وحشتوني وحشتوني ...وحشتوني
بما اني الست المهمه والمشغوله دايما ..اخيرا لقيت فسحه من الوقت ..عشان اكتب مع البنانيت حبايبي بوست مشترك ..بينا كلنا
وبما اني شخصيه مجنونه...لازم تكون فكرة البوست مجنونه
وبما ان اللي اعرفهم كلهم مجانين.... فرد الفعل الطبيعي ..موافقه جماعيه
الفكرة بقي .. شنطة ايد كل واحدة مننا فيها ايه..
اول حاجه عملتها اني صادرت الشنط بتاعتنا كلها..عشان محدش يكمر حاجه في الخباثه..يعني عشان تبقي حالة تلبس






وهاسبكم دلوقتي مع شنطة الاخت ..الللي معندهاش حاجه تخسرها..المايك معااااكي يا منيله
ـــــــــــــــــــــــــــــــــــــــــــــــــــــــــــــــ
أن أن أأأأأأأن
بتدبسوني اول واحدة يادزم
ماشى ماشى مردودة ان شااء الله
بما اني دارسه قانون كويس ..وعارفه يعني ايه حالة تلبس .. فامفيش مفر هعترف يعنى هعترف منك لله يالى فى بالى عيب يعنى اكون محاميه كدا والبسها ..ما علينااااااا
بما ان شنطي كتير وبحب الشنط جدا جدا .. ودايما كل نازله بتبقي بشنطه مختلفه ..فالحمد الله مااتدبستش اوي يعني ..عشان كل شنطه فيها حاجه..بس اخر شنطه نزلت بيها هاقول فيها ايه..


المحفظه...فيها البطاقه وكارنيه النقابه وكارنيه الكليه بتاع سنه تالته وكارنيه الاى بى اى بتاع كورسات الانجليش بتاعتى وكارنيه مشروع التخفيضات بتاع النقابه بردوا يخليها لينا يارب
.وصورة ليا وصور عائليه(بابا وماما واخواتى طبعا وتيته ماما الله يرحمها وجدو بابا ماما بردوا وخالتوا الكبيرة ماما الحجه وخالتوا الصغيرة وصور اصحابى ..وشوية ورق كدا من زمان بما انى مبحبش ارمى خالص اى حاجة يعنى وبحتفظ بكل حاجة عادة سيئه بعيد عنكم (واحدة فيها دعاء..وواحده اسماء الله الحسني ..وصولات فلوس الكليه ..وكروت معايدة من زمان( ..
حلق دهب ومش عارفه ايه اللي جابه معايا في المحفظه ....
مفتاح شنطة سفري
ايصال من جمعية رساله
تذكرة ميني باص
جوانتي (دا عادي عشان انا منتقبه وكل شنطى الحمد لله لازم يكون مرمى فيها واحد)
فردة شراب ( دي اللي مش عادي ومنك لله يا فضحااااااااااااانا )
شريطين كاتافلام
النوبايل
ايصال تحويل اموال ويسترون يونيون
خاتم رغم انى مش بلبس خواتم اصلا بس اهوا طلع موجود بئا وخلاص
ورقه كنت كاتبه فيها مشاكلي في الحياه ..لما كنت قاعدة مع العيال دول فى قاعه مؤتمراتنا السريه..ومحدش يسال مكانها بردوا لانه سر من اسرارنا الحربيه....
كارت فيه عنوان محل ملابس ..من نوع خاص ..ومحدش يسأل
مصحف
كارت صغير فيه الاربعين النوويه
علبة صغيرة كريم دوف
صورة البطاقه
ربع جنيه مكتوب عليه من اتنين بنوتات بحبهم اوي ..من ايام الكليه
بلاستر طبى للطوارئ
ورقة شيكولاته كندر ..مكتوب عليها اهداء من شخص عزيز جدا جدا
مفاتيح الشقه
الفلوس بما اني مابحطهاش في المحفظه ودايما سبحان الله بتضيع وبردوا مش بحرم
تيتينة(سكاته) مريم الكميله..هاتقولي مين مريم ..هاقولكم بنتي ومش بنتي ..هي بنت نان..بس كلنا مشتركين فيها..كنت اتهفيت مرة فى عقلى بعيد عنكم وخرجت بيها لوحدى واخدت طبعا مستلزمتها
دبابيس للطرح لاى طوارىء يعنى حاجة تقع كدا حاجة تبان كدا حد يقل ادبه يتشك كدا... اهى بتنفع يعنى
صابونه صغيرة ..كانت جيالى هديه ومتفهموش غلط بئا وتقولوا ريحتها وحشه وبتاع والناس بتهديها بالصابون هى جت كدا ما علينا بردوا منك لله يالى فى بالى ونسيت اشيلها من الشنطه
ورقة شكولاته جالاكسي..بما اني بحافظ علي نظافة البيئه

بس خلااااااااااااااااص

الحمد لله نجيت من المطب المفاجىء الى جالنا من الهانم الى تغيب تغيب وتطلع لينا بفتكاسه من افتكاستها
بس على قلبى زى العثل يا لوستتى
nothing to lose

ــــــــــــــــــــــــــــــــــــــــــــــــــــــــــــــــــ

البت اللا شئ
انا ..اوك..ندخل علي طول في الموضوع

المفاتيح (شقتى وشقه ماما ومفتاح دولابى الى فى شقه مامتى وربعات جنيه فضه حطاها في الميداليه للأزمات)
غطيان التيتنات بتاعت بنانيتي ..اللي من ضمنهم مريم
نشرة البنك ..اللي فيها عنوان ماكينات السحب ..واللي دايما بردو بتوه وانا بدور عليها
قلمين واحد حبر وواحد جاف ..ومش عارفه ليه اتنين..كان واحد كفايه ويؤدي الغرض
قلم زبدة كاكاو
النوباااايل بردو
التتينه القديمه بتاعت مريم
نضارة شمس
وفردة حذاء مروج_بنتى بردوا
زجاجة عطر (باللغه العربيه)
علبه دباابيس

المحفظه وتحتوي علي (ثلاته فيزا كارت..واحدة شغاله وواحدة ملغيه وواحدة منتهية الصلاحيه - البطاقه الشخصيه - ربع جنيه قديم مكتوب عليه تذكار -ورقه فيها رقم تليفون المحل اللي بجيب منه الميك اب _روشته بتاعت ملك بنتي اخر مرة كنا عند الدكتور -صور اصحابي(صورة فرح صديق عزيز كان بيوزع صورهم هو وعروسته فى الفرح اخدت واحدة-صورة صاحبتى وهى صغيرة_صورة زميله جوزى فى الشغل فى فرحهاكنت اخدتها منها في المصيف اللي فات وحطتها في المحفظه) وصوري الخطوبه والفرح - كارت خصم كان هديه علي الفيزا الملغيه ..بس منتهي للأسف ..وللأسف بردو لسه مكتشفاه دلوقتي - وصل تبرع بالدم ..وكانو عاملين تحليل دم وفيروسات كامل كهديه مجانيه للتبرع ..بس للأسف مرحتش جبت نتيجته بردو - كارت معايده من زوجي العزيز بمناسبة عيد جوازنا -
تذكرة مترو كنت شيلاها تذكاااار من صديق _والله العظيم صديق _ قديم .. من ايام الكليه عشان كنا خرجنا كلنا وكان يوم حلو..فشلت التذكرة عشان عليها التاريخ - كارت عليه اسماء الله الحسني هديه من صديق اخر -كارنيه مكتبة مبارك العامه وكارنيه النادي - صور شخصيه 4 في 6 عشان ساعات بتزنق واحتاجه)ا
منديل معطر بتاع كنتاكى
ومقص صغير

فاتورة من اون ذا رن بتاريخ 3 2007 كانز بيبسي ومياه معدنيه
فاتورة تاني اون ذا رن باردو بتاريخ 4 2006 روايه وجرايد
وصل صيانه الميكروييف
جنيه ورق محطوط في جيب لوحدة علي جمب مش عارفه ليه
كارت وزن بتاع الميزان الالكتروني
فلوس فكه بردو محطوطه في جيب لوحدها مش عارفه ليه
علبة كبريت
علبة كلينكس
ورقه كنت كاتبه فيها الحاجات اللي عايزاها من السوبر ماركت
مفكرة صغيره... عشان الزهايمر
المسبحه بتاعتي اللي كنت اخدتها من بابتي عشان عاجبتني
فلوس فضه كتير متبعترة في قلب الشنطه
جلوس (ملمع ) شفايف
علبة لبان تشكلتس فواكه
الشيك بتاع الحاجات اللي جبناها من هايبر وان اخر مرة
عدد 3شربات فيليه ..كنت اشتريتهم ..ونسيت اشيلهم من الشنطه
فردة حلق واحدة..يا خسااارة فين التانيه انا الحلق دا بحبه جدا عشان كان بيليق علي
اللبس الجينز...:(
ودمتم ..والحمد الله ان الموضوع عدي بسلام وامان ..وعلي فكرة بقي يا ست لوست ..خطر جدا انك تفتشي شنطة بنت فجأة كدا ..الحمد الله ان ماكنش فيها متفجرات ..كانت فرقعت في وشك وخلصتنا منك

None

ــــــــــــــــــــــــــــــــــــــــــــــــــــــــــــــــــــ
المايك دلوقتي مع الاخت النااااااقصه



منك لله يا ضايعه يا مشرداااااناا

جراب الحاوي بتاعي بقي فيه..كل ما لذ وطاب
ندخل في الموضوع

مبرد ضوافري ..بما اني عندي هوس هستيري بضوافريني
مبيض ضوافر
وكماان واحد مبيض ضوافر
مفاتيح الشقه
مفتاح مكتب الشغل
اقراص سليماكس ..لسد النفس والدايت ..بما اني مفجوعه
قرص ازرق _متفهمونيش غلط في ازرق دي _ لحرق الدهون بردو ..بس اسمه مش عارفه اقراه
مفتاح الدولاب
زبدة كاكاو
ليب جلوس (ملمع شفاه)
كونسلير (عشان الهالات السودا اسفل العين)
قلم جاف بيكتب فوشيا..من غير تريقه
علبة لبان تشكلتس نعناع
مجموعة قصصيه نيران صديقه ..لعلاء الاسواني
سواك هديه من زميل في العمل ..عند عودته من العمرة
مسبحه معطرة من نفس الزميل

مسبحتي الخاصه
كتيب اذكار الصباح والمساء
كيس سكر نبات ..كادوه من عمو بتاع المناديل
اقراص اسبرين اطفال
علبة دبابيس ايشاربات
سماعة الموبايل
الموبايل نفسه
سواك كان مع بابا الله يرحمه وقت الحادثه
روج اجو (احمر خدود(
فرشة احمرخدود
مجموعه من الاوراق (ورقه بردو كاتبه فيها مضايقه من نفسي ليه ..لما كنت مع العيال دول بردو في قاعة مؤتمراتنا- ورق كاتبه فيه الخطه الخماسيه لأصلاح نفسي-ورق مكتوب فيه كيفية التعامل مع الرجال اللي طباعهم هادئه مكتوب في ضهرها سؤال سألته في ندوة في معرض الكتاب الاخير ورقم تليفون بيتزا لهاليبو ..اللي علي اول الشارع عندنا - تفويض خاص بأخويا من الجريدة التي يعمل صحفي بها ..ومش عارفه ايه اللي جابه في شنطتي - ورق فيها الكتب اللي عايزة اشتريها علي المدي الطويل لما الميزانيه تسمح)
جريدة الدستور اليوم..والاسبوعي مناصفة بيني وبين نان
ورق فيها كتب عجبتني علي النت كنت عايزة اشتريها
ميزانيتي بتاعت شهر 4 2006
محفظه للصور فيها صورالاصدقاءو العائله ..وبلاوي اخري (صورة بطاقة مامتي ومتسألونيش ليه بردو- كارت سحب لرصيدي اللي بقاله سنتين عشرة جنيه- كارنيه الجامعه بتاع سنه تانيه..ورابعه -وصل جمعية جيل المستقبل -وصل رابطة جيل المستقبل - كارت شركة تصدير)
المحفظه الكبيرة بقي (فلوس -ميزانية شهر 4 2007 - وصولات سوبر ماركت - بطاقه شخصيه - كارنيه ساقية الصاوي -صور عائليه ( غير الاولانيه)- تذكرة سوبر جيت من جمصه - تذكرة حديقة اغاخان-كارت كوافير ماي فير- كارت معايده من زميل في الجامعه- ربع جنيه عديه من زميل اخر -تذاكر مترو واتوبيس الحظ ..اللي هو ان اي تذكرة مكتوب عليها 6 ارقام فأنا بتفائل بالتذاكر اللي مجموع التلات ارقام الاولي فيها =مجموع التلاتا ارقام الاخيره وباحتفظ بيها -خاتمي الدهب بما اني مابلبسوش وبحطه في الشنطه -ميزانية شهر 12 2006 -روشته لحقن مسكنه للعظام )

تمت بحمد الله ..ومنك لله يا لوست
incomplete
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




واخيرا انا ...لوست ..الجديد بقي اني قررت اني اخلع من الليله وكفايه اني دبست الاخوات الحلوين فيها ..طبعا هما مش هايكتشفو دا ..غير لما البوست ينزل .. تحياتي ..تحياتي ..تحياتي





وتعيشوا وتاخدوا غيرها

lost




posted by Lost @ 6:46 PM   21 إيه رأيك
Wednesday, April 11, 2007
حلــــــــــــــــــم
في حديقة شاسعة ذات خضرة جميلة وزهور زكيه شذاها وذات ألوان زاهية تسير فتاه قامتها ممشوقة ذات عينين بنيتين وانف صغيرة و شفا يف مرسومة وتشعر أنها تشبه ألهه الجمال وجهه ملائكي صغير ترتدى فستان أحمر رقيق حريري عاري الكتفين وعقدا من اللؤلؤ وحلق ماسي جميل براق وشعرها ينساب على ظهرها بلونه الأسود الكحيل كالليل

تراقص الهواء ونسماته وتميل يمينا ويسارا على نغمات الصبح الرقيقة نغمات لا يسمعها أحد آلا هي وحدها تشدو مع العصافير وترقص حولها أعذب البلابل وارق العصافير وتلعب مع الفراشات ذات الألوان الزاهية تارة تقف على إصبعيها الرقيقة وتارة أخرى على شعرها الانسيابي وتارة تطوف حولها تلك الفراشات والهواء يداعب وجنتيها التي تميل ألي الحمرة

تنظر ألي الشمس الساطعة وتلمع عيناتها البيتين وتبتسم ألي أفواج السحاب البيضاء وتشعر أنها براق من حرير جاءت لتحملها وتطير بها في السماء كعصفور صغير حر طليق وتارة أخرى تشعر أن السماء تسقى وجنتيها زهورا وتبتسم .في رقه وبراءة طفل مولود جديد رغم أن عمرها قد تعدى الثالث والعشرين ولكنك عندما تنظر في وجهها الملائكي تشعر أنها طفل صغير
أحيانا أخرى تسير على تلك البحيرة ذات الأمواج الهادئة تستنشق الهواء النقي وتداعب مياهه النقية بيديها الصغيرتين ودائما ما تهدى تلك الفتاه البحيرة بعض الزهور التي تقوم بجمعها من حديقتها اعترافا منها بحبها الشديد لتلك البحيرة واعترافا منها أنها دائما ما تشاركها أفراحها وأحزانها
وذات يوم كانت تسير في تلك الحديقة رأت حصان ابيض وأتى مسرعا أليها عليه فارس تملأ الشجاعة عينيه والرجولة قامته قفز من الحصان مسرعا في رشاقة لم تشاهد مثلها من قبل عندما رآها ربما قدرا نزل على ركبته أمامها وقبل يديها واهدها وردة حمراء بارعة في الجمال ومعبره عن مدى حبه لها
نظرت إلى عينيه فشعرت ولاول مرة بالحب شعرت بدقه قلبها تسمع الدنيا كلها خطف قلبها بنظراته الثاقبة ذات الثقة في النفس وقامته الممشوقة وعضلاته المفتولة ..آخذها بين يديه وهى مستسلمة له ولتلك المشاعر التي لم تشعر بها من قبل حملها بين يديه ومازال ينظر لها في عينيها الساحرتين ذوات اللون البني وزقت العصافير جمعهم و تراقصت نسمات الهواء على دقات قلبهم
فا استيقظت من نومى على دقات الساعه معلنه انتهاء وقت نومى واحلامى وبدايه يوم جديد متعب كالعادة
posted by Nothing To Lose @ 12:24 AM   36 إيه رأيك
Saturday, April 7, 2007

Photo Sharing and Video Hosting at Photobucket



مترو الميرغني.. عربة مزدحمة ..القاهرة.. أوائل إبريل..والجو ربيعي لا يخلو من لفحة حارة
شقّت طريقها بصعوبة بين المقاعد,لتجلس على ذلك المقعد –أو ربع المقعد على وجه الدقة- بجوار تلك السيدة البدينة..
تتذمر من حركته الراقصة ,تتخيل انها في خلاط بشري كهربائي..وتضحك في صمت!
مازالت المسافة طويلة بما يكفي لتستسلم لشرودها , وتخضع لسحر افكارها المبهمة.. تارة تعافر في وحل مستقبلها المجهول ...وتارة تجدف في بحور ذكراياتها..وتمتم بلا صوت,أن من المحال أن يفهم المرء نفسه !
تفيق لحظة من شرودها ,لتجد أحدهم يحدق في وجهها الجميل , نظرات وقحة ملموسة كأشهب لهب حارقة!
تتممل في ضيق وتستسلم للشرود من جديد.. في الواقع لاتضايقها تلك النظرات تماماً.. بقدر ما تسعدها أيضاً..فقط من خلالها تدرك أنها مازالت جميلة يهوى الآخرون أحياناً استراق النظر لها ..لطالما طربت لإنعكاس جمالها في مرآءة عيون الآخرين !
مهلاً ..جميلة ووحيدة.. لماذا؟؟.. طرق هذا السؤال أبواب ذهنها طرقات تصم! .. لماذا وهي ابنة ال27 ربيعاً.. لم تعرف للحب طعماً.. ولو حتى على سبيل المراهقة ! ربما لأن الحب في واقعها مجرد كائن إسطوري لاوجود له إلا في الروايات والأغاني والأفلام القديمة..أو ربما لأنها لم تلتقي بفارس يطابق المواصفات بعد..أو على الأرجح لأن الرجال جميعاً فقدوا نظرهم..قهقهت مرة أخرى بلا صوت!
أو لأنها ترى أنها مميزة.. تتسائل في سخرية عن سر تميزها..لاليس الجمال..فما أكثر الجميلات ..بل إنهنّ في الواقع أكثر من اللازم..حتى غدا الجمال مملاً!
إذن هو الذكاء !..عن أية ذكاء تتحدث! وهي تدرك بعمق أنها أحمق من ذاك الغراب الذي ظن صوته شجياً,وأضاع قطعة الجبن من بين أسنانه..لكم أضاعت من جبن في حياتها!
أفاقت مجدداً لتهرب من سيل (لماذا) الذي اعتراها
رائحة عرق السيدة بجوراها تكاد تصيبها بغثيان مستحب!..فتستعين بالشرود من جديد..ورائحة الحشائش المبلتة تساعدها على ذلك بجدارة
واجتاحتها دوامات الأسئلة من جديد
من هي !
ماذا تريد؟
لماذا الحياة ؟
إلى أين !
ثم ماذا؟
هزت رأسها في تلقائية لتنفض تلك الدوامات عنها..وقررت أن لاشرود
شرعت تتأمل في الوجوه من حولها وكأنها لوحات في معرض فني !
بالرغم من كل شيء هم أحياء
يتنفسون يضحكون ويدمعون ويتذمرون

أخذت تذوب ولهاً بتجاعيد هذا العجوز, تجاعيد رسمها الزمن بريشة لاتخطئ ,متذمر ,منهك ,ناقم على الحياة
ولا تعرف سبباً واضحاً لهيامها بتلك الطالبة التي تعانق في ملل كتبها, بريئة ,متفائلة,ضاحكة, وشقية
حتى ذاك الشاب الوقح
وأه من تلك العجوز الباسمة
تشعر بروحها تسلب من بين ذرات جسدها..لتمتزج بهواء العربة,وتجاعيد العجوز,وكتب الفتاة, ورائحة الحشائش المبتلة
تدمع عيناها ..فتتظاهر بأن شيئاً ما أصابهما
يتناقصون .. فتودعهم وداعاً لاتراه العيون وتدركه الأرواح
محطة الميرغني.. (الأخر ياآنسة)
تلملم مشاعرها وشذرات روحها المتناثرة,وتغادر العربة
تدرك وأنه بالرغم من كل شيئ ,هي تعشق الحياة..وهذا كافي لأن تحيى
وتستمر
شعور غريب يستعمر قلبها.. شعور بالحب والإنتماء لكل ذرة تراب يحملها الهواء..لكل شجرة..لكل زهرة..لكل نسمة عليلة تقبل وجهها على استحياء..استسلمت بشبح ابتسامة لذلك الشعور
ــــــــــــــــــــــــــــــــــــــــ
من مدونتي القديمة
incomplete
:(
posted by Incomplete @ 12:10 AM   17 إيه رأيك
Monday, April 2, 2007
والله تستاهل ياقلبي

والله تستاهل ياقلبي
ليه تميل ..ماكنت خالي
انت اسباب كل كربي
وانت اسباب ماجرالي
ايه بقي اللي هايواسيني ..بعد ما انهدت امالي
اذا كان حظي ناسيني ..مين اروحله اشكيله حالي
ان شكيت..قلبي وحواسي
يعملوا مؤامرة عليا
وان بكيت..الحب قاسي
تشتكي مني عنيا
اعمل ايه.. واحنا في غربه
والاغراب دول زي يتامي
مين يواسيهم في كربه
ياما بيقاسوا وياما
يارب كل من له حبيب
وطال بعاده..وللا قريب
ماتحرموش منه
وهاتهله بالسلاااااااامه

طول عمري بحب سيد درويش جدا واغانيه..بحس كدا انها بتلمس مشاعري واحاسيسي اوي ..مين يقدر ينسي الحلوة دي قامت تعجن في البدريه...ولا اهو دا اللي صار ..ولا انا هوييته وانتهيت(الاغنيه دي بالذات بعشقها )..المهم بجد انها اغاني من القلب ..عشان كدا بتدخل القلب علي طول

None
posted by sara @ 2:01 PM   21 إيه رأيك
تايهين على الطريق


مالي النهارده
إمبارح اللي عدّى
ناس من هناك
اديني ودنك

Powered by

Free Blogger Templates

BLOGGER

عدّى من هنا
free web counter